May 9, 2024
රට මුහුණ දී ඇති ප්‍රශ්න පිළිබඳ සම්පූර්ණ වගකීම විපක්ෂ නායක සජිත් ප්‍රේමදාස විසින් භාරගත යුතු බව ප්‍රකාශ කළ ජනාධිපති රනිල් වික්‍රමසිංහ, වසර දෙකකට පෙර අප්‍රේල් 10 වැනිදා ප්‍රේමදාස අගමැති ධූරයට පත් වූයේ නම් ප්‍රශ්න ඇති නොවන බව ප්‍රකාශ කළේය.
විපක්ෂ නායක සජිත් ප්‍රේමදාස අද පාර්ලිමේන්තුවේදී කළ විශේෂ ප්‍රකාශය සම්බන්ධයෙන් ජනාධිපතිවරයාගෙන් කරුණු කිහිපයක් ඉල්ලා සිටි අවස්ථාවේදී ජනාධිපතිවරයා මේ බව පැවසීය.
“මම හිතන්නේ අපි මේ දේවල් ගැන පාර්ලිමේන්තුවේ විවාදයක් කරනවා නම් හොඳයි. විවිධ මත තියෙනවා. මම විපක්ෂ නායකතුමාට කියන්න ඕනේ, මේ හැම ප්‍රශ්නයේම සම්පූර්ණ වගකීම එතුමා භාරගත යුතුයි. එතුමා අප්‍රේල් 10 වැනිදා අගමැතිකම ගත්තා නම්, කිසිම එකක් නැහැ. මේ ප්‍රශ්න මම මගේ හැකියාවට අනුව විසඳුවා” ජනාධිපතිවරයා පැවසීය.
