ජනාධිපති රනිල් වික්‍රමසිංහගේ ශ්‍රේණිගත කිරීම ස්ථාවරව තිබෙන බවත්, විපක්ෂ නායක සජිත් ප්‍රේමදාස සුළු වාසියක් අත්කර ගෙන ඇති අතර සමඟ ජාතික ජන බලවේගයේ නායක අනුර කුමාර දිසානායකට පවතින කැමැත්තේ පහත වැටීමක් පවතින බවත්, ජූලි මාසය පදනම් කරගනිමින් සිදුකළ සමීක්ෂණයකින් හෙළි වී තිබේ.

සෞඛ්‍ය ප්‍රතිපත්ති පිළිබඳ ආයතනය (IHP) විසින් මාස්පතා සිදුකරන ශ්‍රී ලංකා මත විමසුම් සමීක්ෂණයේ (SLOTS) ජූලි මාසයට අදාළ ප්‍රතිඵල පෙන්නුම් කර ඇත්තේ, ජාතික ජන බලවේගයේ නායක අනුර දිසානායකගේ ශුද්ධ වාසිදායක ශ්‍රේණිගත කිරීම ජූලි මාසයේදී ඒකක 15 කින් පහළ ගොස් ලකුණු -44 ක් වී ඇති අතර, සමගි ජන බලවේගයේ නායක සජිත් ප්‍රේමදාසගේ හිතකර ශ්‍රේණිගත කිරීම ලකුණු 04 කින් ඉහළ ගොස් ලකුණු -44 ක් ලෙස සටහන් වී ඇති බවයි.

එහිදී ජනාධිපති රනිල් වික්‍රමසිංහගේ හිතකර ශ්‍රේණිගත කිරීම -52ක් ලෙස එලෙසම පවතී.

“සමහර මහජනතාව මෙම සංඛ්‍යා වාර්තා කිරීම වරදවා වටහා ගන්නා බව අපි සටහන් කර ඇත්තෙමු. සෘණ ලකුණු, එනම්, ශුන්‍යයට වඩා අඩු ශුද්ධ වාසිදායක ශ්‍රේණිගත කිරීමකින් අදහස් වන්නේ පුද්ගලයා හෝ ආයතනය ජනප්‍රිය නොවන බවයි. ධනාත්මක ලකුණු පමණක්, එනම්, ශුද්ධ වාසි ශුන්‍යයට වඩා වැඩි අගයන්ගෙන් අදහස් කරන්නේ පුද්ගලයා හෝ ආයතනය සාමාන්‍යයෙන් ජනප්‍රිය බවයි ”යැයි සිය සමීක්ෂණයේ දත්ත විශ්ලේෂණය පැහැදිලි කරමින් IHP සඳහන් කර ඇත.

ජූනි මාසයේදී, මෙම සමීක්ෂණයෙන් පෙන්නුම් කළේ, සජිත් ප්‍රේමදාසට වඩා සියයට 35 කින් සහ රනිල් වික්‍රමසිංහට වඩා සියයට 15 කින් ඉදිරියෙන් අනුර දිසානායක සියයට 40 ක සහයෝගයක් භුක්ති විඳින බවයි.