එක්සත් ජාතීන්ගේ මහාමණ්ඩල සැසිවාරයට සහභාගීවීම සඳහා ජනාධිපති අනුර කුමාර දිසානායක සැප්තැම්බර් 22 වැනි දින ඇමරිකා එක්සත් ජනපදයට යෑමට නියමිතය.

මෙම සංචාරය අතරතුර, ඔහු රාජ්‍ය නායකයන් සහ තවත් පාර්ශව සමඟ ද්විපාර්ශ්වික සාකච්ඡා පවත්වනු ඇති අතර, එක්සත් ජාතීන්ගේ මහලේකම් ඇන්ටෝනියෝ ගුටරෙස්ද හමුවනු ඇත.

එක්සත් ජනපදයේ සිය කටයුතු අවසන් කිරීමෙන් පසු, ජනාධිපති දිසානායක ජපාන රජයේ ආරාධනයෙන් සැප්තැම්බර් 26 වැනි දින රාජ්‍ය සංචාරයක් සඳහා ජපානයට යනු ඇත.

ජපානයේදී, ඔහු සැප්තැම්බර් 27 වැනි දින ‘වර්ල්ඩ් එක්ස්පෝ’ අන්තර්ජාතික වෙළඳ ප්‍රදර්ශනයට සහභාගීවීමට සහ ජ්‍යෙෂ්ඨ ජපන් නිලධාරීන් සමඟ ඉහළ මට්ටමේ සාකච්ඡාවල නිරත වීමට නියමිතය.