February 15, 2025
ශ්රී ලංකා ලංකා පොදුජන පෙරමුණ පක්ෂය විසින් දිනපතා ජනමාධ්ය හමු පැවැත්වීමට සූදානම් වන බව වාර්තා වේ.
එම පක්ෂ ආරංචි මාර්ග සඳහන් කරන්නේ මෙම ජනමාධ්ය හමු දැනටමත් ක්රියාත්මක නමුත්, ඉදිරි සතියේ සිට ඒවා දිනපතා පැවැත්වීමටත්, එහිදී ආණ්ඩුවේ ක්රියාකාරිත්වය දැඩි ලෙස විවේචනය කිරීමටත් තීරණය කර ඇති බවයි.
ඒ අනුව දැනට පාර්ලිමේන්තු නියෝජනය කරන මන්ත්රීවරු සෑම සඳුදා දිනයකදීම මෙම ජනමාධ්ය හමුවලට සහභාගී වනු ඇත.
අගහරුවාදා දිනයේදී සහභාගී වීමට නියමිතව ඇත්තේ එම පක්ෂයේ හිටපු පාර්ලිමේන්තු මන්ත්රීවරුන් ය.
එසේම බදාදා දිනවලදී පළාත් පාලන නියෝජිත සංගමයේ සාමාජිකයන්ද, සෙසු දිනවලදි වරින් වර එම පක්ෂය නියෝජනය කරන විවිධ සංවිධාන මගින් ද මෙලෙස ජනමාධ්ය හමු පැවැත්වීමට නියමිතව ඇතැයි වාර්තා සඳහන් කරයි.
ජාතික ජන බලවේග ආණ්ඩුවේ පවතින දුර්වලතාවයන් හදුනාගෙන ඒ පිළිබඳව ජනතාව දැනුවත් කරමින් මෙම ජනමාධ්ය හමු පැවැත්වීමට උපදෙස් ලබාදී ඇතැයි පැවසෙන්නේ, එම පක්ෂයේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ ය.
මේ වන විට සමගි ජන බලවේගයද දිනපතා ජනමාධ්ය හමු පවත්වනු ලැබේ.
