තමා ඉලක්ක කර ගනිමින් සමාජ මාධ්‍යවල සංසරණය වන සටහනක් සම්බන්ධයෙන් නිළියක වන පේෂානි ඒකනායක විසින් අපරාධ පරීක්ෂණ දෙපාර්තමේන්තුවට පැමිණිල්ලක් ගොනුකර ඇත.

ඇය තමාට සිදු වූ අපහාසය සම්බන්ධයෙන් ඊයේ දින අපරාධ පරීක්ෂණ දෙපාර්තමේන්තුවට පැමිණිල්ලක් යොමුකර තිබේ.

ඒ සම්බන්ධයෙන් ඇය සිය මුහුණුපොතට වීඩියෝවක් එකතු කර ඇත.

එහිදී පේෂානි පවසන්නේ, දේශීය ප්‍රවෘත්ති වෙබ් අඩවියක ලාංඡනය භාවිත කරමින් වංචනික ලෙස නදුන් රාජපක්ෂ ලෙස හඳුනාගෙන ඇති පුද්ගලයකු විසින් මෙම ව්‍යාජ සටහන නිර්මාණය කර ඇති බවයි.

සමාජ මාධ්‍යවල මෙම ව්‍යාජ සටහන බෙදාගත් සහ අදහස් දැක්වූ අයට එරෙහිව නීතිමය පියවර ගනු ඇතැයි පේෂානි තවදුරටත් බලාපොරොත්තු පළකළාය.