ශ්‍රී ජයවර්ධනපුර මහ රෝහල තවදුරටත් පාඩු ලබමින් ක්‍රියාත්මක වන බව පොදු ව්‍යාපාර පිළිබඳ පාර්ලිමේන්තු කාරක සභාවේදී (COPE) අනාවරණ වී තිබේ.

මෙම හෙළිදරව්ව අනාවරණ වූයේ ශ්‍රී ජයවර්ධනපුර මහ රෝහල තවදුරටත් පාඩු ලබමින් ක්‍රියාත්මක වන බව පොදු ව්‍යාපාර පිළිබඳ පාර්ලිමේන්තු කාරක සභාවේදී (COPE) අනාවරණය විය.

මෙම හෙළිදරව්ව අනාවරණය වූයේ පාර්ලිමේන්තු මන්ත්‍රී වෛද්‍ය නිශාන්ත සමරවීරගේ ප්‍රධානත්වයෙන් මැයි 15 වන දින කෝප් කමිටුව රැස්වූ අවස්ථාවේදීය.

රෝහලේ පාඩු ලැබීමට හේතු කිහිපයක් ඇති බව කෝප් කමිටුව පෙන්වා දුන් අතර, ඇතැම් රෝගීන් අවශ්‍ය ගෙවීම් නොකර ප්‍රතිකාර ලබාගෙන ඇති බවත්, ඇතැම් අවස්ථාවල රෝගීන්ගෙන් අය කරගත යුතු ගෙවීම් අත්හැර ඇති බවත් නිරීක්ෂණය වී තිබේ.

විශේෂඥ සේවා සපයනු ලැබුවද, රෝහල මෙම සේවාවන්ගෙන් ප්‍රමාණවත් ආදායමක් උපයා නොමැති බව කෝප් කමිටුවේදී පෙනීගොස් ඇත.

මෙම විශේෂඥ සේවා සඳහා අවශ්‍ය උපකරණ රෝහලෙන් ලබාගත් බවත්, මෙම සේවාවන් සැපයීම සඳහා 2023 දී සමස්ත කාර්ය මණ්ඩලයට වෘත්තීය ගාස්තු ලෙස රුපියල් මිලියන 600ක් පමණ ගෙවා ඇති බවත් අනාවරණය විය.

රැස්වීමට සහභාගී වූ නිලධාරීන් ප්‍රකාශ කළේ පූජක පක්ෂයට සහ රෝහල් කාර්ය මණ්ඩලයේ පවුලේ සාමාජිකයන්ට නොමිලේ ප්‍රතිකාර ලබාදීමේ ක්‍රමවේදයක් පවතින බවයි.

මීට අමතරව, විශ්‍රාමික රෝහල් කාර්ය මණ්ඩලයට රුපියල් 4,000කට සීමා වූ යෝජනා ක්‍රමයක් යටතේ ප්‍රතිකාර ලැබේ.

ඒ අනුව, මෙම අක්‍රමවත් ක්‍රමවේද ඉවත් කිරීම සඳහා ක්ෂණික යාන්ත්‍රණ සකස් කළ යුතු බව පොදු ව්‍යාපාර පිළිබඳ පාර්ලිමේන්තු කාරක සභාව නිර්දේශ කර තිබේ.

පූර්ව මැතිවරණ කාල පරිච්ඡේදයක් තුළ අනවසර තනතුරු සඳහා පත්වීම් ගණනාවක් සිදු කර ඇති බවත්, මෙම පත්වීම් සඳහා ලබා දී ඇති 35% වැටුප් දීමනාව නීත්‍යනුකූලව වලංගු නොවන බවත් පොදු ව්‍යාපාර පිළිබඳ පාර්ලිමේන්තු කාරක සභාව විසින් අනාවරණ කරන ලදී.

එපමණක් නොව, මෙම අක්‍රමවත් පත්වීම් සඳහා වැඩි කළ වැටුප් සමඟ ගෙවීම් සිදුකර ඇති අතර, නීත්‍යනුකූලව පත් කරන ලද ‘රෙදි සෝදන පරීක්ෂක’ තනතුර සඳහා කිසිදු වැටුපක් ගෙවා නොමැති බව පොදු ව්‍යාපාර පිළිබඳ පාර්ලිමේන්තු කාරක සභාව විසින් පෙන්වා දෙන ලදී.

මෙම කාරණය සම්බන්ධයෙන් විධිමත් පරීක්ෂණයක් පවත්වන ලෙසත්, වගකීම් පැහැර හැර ඇති සියලුම නිලධාරීන්ට එරෙහිව විනය ක්‍රියාමාර්ග ගන්නා ලෙසත් සභාව නිර්දේශ කළේය.

නීති විරෝධී ගෙවීම් විශාල සංඛ්‍යාවක් සිදු කර ඇති බවත්, ආයතනයේ සේවය කරන සේවකයන් සංඛ්‍යාව, ඔවුන්ට ලබා දී ඇති පත්වීම් සහ කරන ලද ගෙවීම් කිසිදු ආකාරයකින් සොයාබලා නොමැති බවත් නිරීක්ෂණය විය.

ඒ අනුව, සමස්ත ක්‍රියාවලිය සහ කාර්ය මණ්ඩලය සම්බන්ධයෙන් නිසි පරීක්ෂණයක් සිදු කර මාස දෙකක් ඇතුළත වාර්තාවක් ඉදිරිපත් කරන ලෙස කෝප් කමිටුව නිර්දේශ කළේය.

තවද, අධ්‍යක්ෂ මණ්ඩලය සඳහා විද්‍යුත් ලේඛන කළමනාකරණ පද්ධතියක් ක්‍රියාත්මක කිරීම සහ පවත්වාගෙන යෑම සඳහා කොන්ත්‍රාත්තුවක් 2015 දී රෝහල් අධ්‍යක්ෂවරයකුගේ බිරිඳ අධ්‍යක්ෂවරියක් ලෙස සේවය කරන සමාගමකට ප්‍රදානය කර ඇති බවත්, එම කොන්ත්‍රාත්තුව ප්‍රදානය කිරීමට පෙර දින එම සමාගම ස්ථාපිත කර ඇති බවත් අනාවරණ විය.

මීට අමතරව, වාට්ටු සඳහා අඟල් 32 ප්‍රමාණයේ රූපවාහිනී යන්ත්‍ර 25ක් මිලදී ගැනීමේ ව්‍යාපෘතියක් යටතේ අනුමැතිය ලබාගෙන තිබුණද, අනුමත කළ මුදලට පටහැනිව වැඩි මුදලක් ගෙවා අඟල් 43 ප්‍රමාණයේ රූපවාහිනී කට්ටල 25ක් මිලදී ගෙන ඇති බවත්, 2025 අප්‍රේල් 30 වන විට රූපවාහිනී යන්ත්‍ර හයක් පමණක් භාවිතයට ගෙන ඇති බවත් අනාවරණ වී තිබේ.

එපමණක් නොව, රෝහලේ හිටපු සභාපතිනිය සහ අධ්‍යක්ෂ මණ්ඩලය අනාගතයේදී කෝප් කමිටුව හමුවට කැඳවීමට රැස්වීමේදී තීරණය කරන ලදී.