සම්මානනීය සිනමා අධ්‍යක්ෂ ප්‍රසන්න විතානගේ අධ්‍යක්ෂණය කළ නවතම චිත්‍රපටය වන “පැරඩයිස්” බූසාන් අන්තර්ජාතික චිත්‍රපට උළෙල සඳහා නිර්දේශ වී තිබේ.

“ආර්ථික අර්බුදයකදී ශ්‍රී ලංකාවට ගොඩබසින මලයාලි යුවළක් සහ එය ඔවුන්ගේ සම්බන්ධතාවයට බලපාන ආකාරය” ප්‍රසන්න පවසන පරිදි බහුභාෂා චිත්‍රපටයේ ආඛ්‍යානයයි.

මලයාලම් සිනමාවේ ඉතා කෙටි කාලයක් තුළ තම දක්ෂතා ඔප්පු කළ ශිල්පීන් දෙදෙනෙකු වන දර්ශනා රාජේන්ද්‍රන් සහ රොෂාන් මැතිව් “පැරඩයිස්” හි ප්‍රධාන චරිත නිරූපනය කරති.

කොචි හි පිහිටි නිව්ටන් සිනමා චිත්‍රපටයේ නිෂ්පාදන ආයතනය වේ.

මෙම චිත්‍රපටය මලයාලම්, දෙමළ , සිංහල සහ ඉංග්‍රිසි භාෂාවලින් නිකුත් කෙරෙනු ඇත.

“පැරඩයිස්” හි ජාත්‍යන්තර ප්‍රදර්ශනය බූසාන් සිනමා උළෙලදී සිදු කරන අතර සිනමාහල් වෙත නිකුත් කිරීම ඉන් අනතුරුව සිදුවේ.

බූසාන් සිනමා උළෙලේ KIM Jiseok සම්මානය සඳහා ද ප්‍රසන්න විතානගේ නිර්දේශ වී සිටී.

28 වැනි බූසාන් අන්තර්ජාතික චිත්‍රපට උළෙල ඔක්තෝබර් 4 වැනිදා සිට 13 වැනිදා දක්වා පැවැත්වේ.