ආරුගම් බොක්කෙහි හෝටලයක් අසල උඩුකය නිරුවතින් ඇවිදීම හේතුවෙන් ප්‍රධාන පුවතක් බවට පත් වූ තායි කාන්තාව, මීට වසර හතරකට පෙර පුරුෂයකු ලෙස සිට කාන්තාවකට ලිංගිකව පරිවර්තනය වීමේ සැත්කමකට භාජනය වී ඇති බව වාර්තා වේ.

පොලිසියට අනුව, සංචාරකයා ජීව විද්‍යාත්මකව පිරිමියෙකි, එහෙත් ‘ඇය’ සම්පූර්ණ ශල්‍යකර්මයකට භාජනය වී ඇත.

උඩුකය නිරුවතින් සිටින සංචාරකයාගේ ඡායාරූප සමාජ මාධ්‍යවල පළ වූ අතර, ජූලි 14 වැනි දින අශෝභන ලෙස හැසිරීම සහ මහජන කැළඹීමක් ඇතිකිරීම සම්බන්ධයෙන් ඇය අත්අඩංගුවට ගැනීමට පොලිසිය කටයුතු කිරීමත් සමඟ මෙම සිද්ධිය මහජන අවධානයට ලක්විය.

පසුව පොතුවිල් මහේස්ත්‍රාත් අධිකරණයට ඉදිරිපත් කිරීමෙන් පසු ‘ඇයට’ අත්හිටවූ වසර පහක සිරදඬුවමක් නියම කරන ලද අතර එහිදී ඇය වරද පිළිගෙන තිබේ.

අශෝභන ලෙස හැසිරීම සඳහා සති දෙකක සිරදඬුවමක් සහ මහජන කැළඹීමක් ඇති කිරීම සඳහා මාසයක සිරදඬුවමක් අධිකරණය විසින් නියම කරන ලද අතර, දෙකම වසර පහකට අත්හිටුවන ලදී.

නඩු කටයුතු අතරතුර ඇයගේ ස්වයං-හඳුනාගත් ලිංගභේදය සහිත කාන්තාවක් ලෙස අධිකරණය පිළිගෙන ඇති බව වාර්තා වේ.

කෙසේවෙතත් මෙම තායි ජාතිකයාගේ විදේශ ගමන් බලපත්‍රයේ ‘M’ (පිරිමි) ලෙස ලැයිස්තුගත කර ඇති ලිංගිකත්වය සහ ‘Mr.’ යන නමට පෙර හැඳින්වීම හේතුවෙන් තත්වය ගැටලුකාරී විය.

මෙය ශ්‍රී ලංකාවේ ස්ත්‍රී පුරුෂභාවය නීත්‍යානුකූලව අර්ථකථනය කරන්නේ කෙසේද යන්න පිළිබඳව ප්‍රශ්න මතු කර ඇත. විශේෂයෙන් පොදු විනීත නීති සම්බන්ධ නඩුවලදී මෙම තත්වය ගැටලුකාරී වේ.

ඇයගේ භෞතික අනන්‍යතාවය සහ නිල ලියකියවිලි අතර ඇති විෂමතාව, ස්ත්‍රී පුරුෂභාවය පිළිබඳ විවිධත්වයට සම්පූර්ණයෙන්ම ඉඩනොදෙන නීති පද්ධතිවල සංක්‍රාන්ති ලිංගික පුද්ගලයින්ගේ අයිතිවාසිකම් සහ පිළිගැනීම පිළිබඳ විවාදයක් ඇති කර තිබේ.

ඇය එක්සත් ජනපද ජාතිකයකු සමඟ ශ්‍රී ලංකාවට පැමිණ ඇති බවත්, ආරුගම් බොක්කෙහි සංචාරක හෝටලයක නවාතැන් වෙන්කරවාගෙන ඇති බවත් අනාවරණය විය.