January 16, 2024
සමගි ජන බලවේගයේ සහ එක්සත් ජාතික පක්ෂයේ ප්‍රතිපත්ති එකිනෙකට වෙනස් බව විපක්ෂ නායක සජිත් ප්‍රේමදාස පවසයි.
එමෙන්ම සමාජවාදය හෝ කොමියුනිස්ට්වාදය අනුගමනය කරන රටවල් එය සත්‍ය වශයෙන්ම ඒවා ක්‍රියාත්මක නොකරන බවත්, ඒ වෙනුවට අන්ත ධනවාදයේ නියැලෙන බවත්, ඔහු සඳහන් කරයි.
මීට අමතරව, චීනය අමෙරිකාවටත් වඩා ධනවාදය වැළඳ ගන්නා බව විපක්ෂ නායකවරයා පවසයි.
රටක් හෝ ආර්ථිකයක් ගොඩනැගීමේ මාර්ගය සමාජවාදය නොවන බවත්, එහි සැබෑ මාර්ගය ධනවාදය බවත්, හෙතෙම සඳහන් කර ඇත.
සමගි ජන බලවේගය සහ එක්සත් ජාතික පක්ෂය එකිනෙකට හාත්පසින්ම වෙනස් බවත්, එජාපය Crony Capitalism අනුගමනය කරන අතර සජබය මානවවාදී ධනවාදය වන සමාජ ප්‍රජාතන්ත්‍රවාදී ප්‍රතිපත්තිය විශ්වාස කරන බවත්, ඔහු පවසයි.
දේශීය ණය ප්‍රතිව්‍යුහගතකරණය කිරීමේ ක්‍රියාවලියේදී රජය සුපිරි ධනවතුන් නොසළකා වැඩකරන ජනතාව මත බදු බර පැටවූ බවත්, ඒ වෙනුවෙන් කැපකිරීම් කරන්නේ ධනවතුන් නොව කම්කරු පන්තිය බවත්, විපක්ෂ නායකවරයා වැඩිදුරටත් සඳහන් කර තිබේ.
