January 1, 2026
බංග්ලාදේශය තුළ හින්දු ජනයාට එරෙහි ප්රචණ්ඩත්වය තවදුරටත් ඉහළ ගොස් ඇතැයි විදෙස් ජනමාධ්ය වාර්තා කරයි.
එම ජනමාධ්ය වාර්තා අනුව තවත් හින්දු වැසියෙකු බංග්ලාදේශයේදී ඝාතනයට ලක්ව තිබේ.
විදෙස් වාර්තා අනුව බංග්ලාදේශයේ මයිමෙන්සිංහිදී තවත් හින්දු ජාතිකයෙකු වන බජේන්ද්ර බිස්වාස් නමැත්තෙකු වෙඩි තබා ඝාතනය කර ඇත.
ඒ, දේව අපහාසයක් සම්බන්ධයෙන් චෝදනා එල්ල කර කර්මාන්තශාලා සේවකයෙකු වන දීපු චන්ද්ර දාස් නමැත්තා ඝාතනය කිරීමෙන් දින කිහිපයකට පසුවය.
හතළිස් හැවිරිදි බිස්වාස් නමැත්තා ද ඔහු සමග රාජකාරි කළ අයෙකු විසින් ඇඟලුම් කම්හලක රාජකාරියේ යෙදී සිටියදී ඝාතනය කර ඇතැයි වාර්තා වේ.
බිස්වාස් බංග්ලාදේශයේ ස්වදේශ කටයුතු අමාත්යාංශය යටතේ ඇති පැරාමිලිටරි සහායක බලකායක් වන අන්සාර් බාහිනි හි සාමාජිකයෙකු වූ අතර එය රටේ අභ්යන්තර ආරක්ෂාව සහ නීතිය ක්රියාත්මක කිරීම සඳහා වගකිව යුතුය.
විදෙස් මාධ්ය වාර්තා කළේ වෙඩි තැබීමට සම්බන්ධ සැකකරු අත්අඩංගුවට ගෙන ඇති බවයි.
