දේශපාලන අභිප්‍රායන් මත මත්පැන් බලපත්‍ර ලබාදීම සම්බන්ධයෙන් රජය මැදිහත් වී ඇති බවට හිටපු පාර්ලිමේන්තු මන්ත්‍රී, ජනාධිපති නීතිඥ එම්.ඒ.සුමන්තිරන් චෝදනා කරයි.

සුමන්තිරන් පවසන්නේ මත්පැන් බලපත්‍ර ලබා ගැනීමට සම්බන්ධ පුද්ගලයන්ගේ ලැයිස්තුව හෙළි කරන ලෙස තමන් ජාතික ජන බලවේගයේ ආණ්ඩුවෙන් ඉල්ලා සිටිය ද එය මෙතෙක් ඉටු වී නොමැති බවයි.

ඔවුන් එසේ කිරීමට එකම හේතුව මත්පැන් බලපත්‍ර ලබාදීමට ඔවුන්ද හවුල්වීම යැයි තමා විශ්වාස කරන බව ද ඔහු සඳහන් කර තිබේ.

සුමන්තිරන් ප්‍රකාශ කර ඇත්තේ මත්පැන් බලපත්‍ර නිකුත් කිරීම තරුණ තරුණියන්ට බලපාන සමාජ ප්‍රශ්නයක් බවත් එබැවින් මත්පැන් බලපත්‍ර නිකුත් කිරීම විනිවිද භාවයෙන් කළ යුතු බවත්ය.

“මෙම බලපත්‍ර බොහොමයක් ලබා දී ඇත්තේ දේශපාලනිකව සම්බන්ධ විවිධ පුද්ගලයන්ගේ මුල්‍යමය වාසි තකා,” යනුවෙන් සුමන්තිරන් ප්‍රකාශ කර තිබේ.