2025 ඔක්තෝබර් 6 වැනි දින, වප් පොහොය දින රාත්‍රියේ, ආගමික නිවාඩු දින තහනම උල්ලංඝනය කරමින් මත්පැන් අලෙවි කළ බවට චෝදනා කරමින් බම්බලපිටියේ රාත්‍රී සමාජ ශාලාවක් කොළඹ දකුණ කොට්ඨාශ අපරාධ විමර්ශන කාර්යාංශය විසින් වටළා ඇත.

එම පරිශ්‍රයේ මත්පැන් අලෙවි කරන බවට ලැබුණු තොරතුරක් මත රාත්‍රී 9:40 ට පමණ වැටළීම සිදුකළ බව පොලිසිය පැවසීය.

වලංගු බලපත්‍රයක් නොමැතිව මත්පැන් විකිණීම සහ ළඟ තබාගැනීම සහ විදේශීය සිගරට් ළඟ තබාගැනීම සම්බන්ධයෙන් රාජකාරියේ යෙදී සිටි කළමනාකරු අත්අඩංගුවට ගෙන තිබේ.

විමර්ශනවලින් හෙළිව ඇත්තේ, ආයතනය විදේශීය ජාතිකයකු විසින් පවත්වාගෙන යනු ලබන බවයි.

දිවුල්දමන පදිංචිකරුවෙකු වන අත්අඩංගුවට ගත් සැකකරු බම්බලපිටිය පොලිසියට භාරදී ඇත.