එක්සත් ජනපද ජනාධිපති ලෙස තේරී පත් වූ ඩොනල්ඩ් ට්‍රම්ප් නිවේදනය කර ඇත්තේ, ඔහුගේ දිගුකාලීන දැඩි ආධාරකරුවකු වන කාෂ් පටෙල් ෆෙඩරල් විමර්ශන කාර්යාංශයේ (FBI) මීළඟ අධ්‍යක්ෂවරයා වනු ඇති බවයි.

කාෂ් පටෙල් පසුගිය පාලන සමයන් වලදී FBI ආයතනයේ ක්‍රියාකලාපය දැඩි ලෙස විවේචනය කළ අයකු විය.

ඉදිරි වසරවලදී FBI හි ප්‍රධානියා වීමට ඉඩ ඇති ගුජරාටි ජාතික කෂ් පටෙල්, සැමවිටම ජනාධිපති ඩොනල්ඩ් ට්‍රම්ප්ගේ න්‍යාය පත්‍රය විශ්වාස කරන්නෙකු විය.

අතීතයේදී, ඔහු FBI ඇතුළු එක්සත් ජනපදයේ ෆෙඩරල් ආයතන විවෘතව විවේචනය කර ඇති අතර, එවකට ජනාධිපති ට්‍රම්ප්ගේ න්‍යාය පත්‍රය යටපත් කරමින් එම ආයතන කටයුතු කර ඇති බව ඔහු විශ්වාස කළේය.

නිරන්තරයෙන් වෙනස් වන දේශපාලන පරිසරයක් තුළ, විශේෂයෙන් 2015 දී පමණ, කෂ් පටෙල් ඩොනල්ඩ් ට්‍රම්ප්ගේ වඩාත්ම ස්ථීර පක්ෂපාතියකු ලෙස මතු වූ අතර, ට්‍රම්ප්ගේ පළමු ජනාධිපති ධුර කාලය තුළ ප්‍රධාන භූමිකාවක් ද ඉටුකළේය.