දක්ෂිණාංශික දේශපාලන ඒකීයභාවයක් ගොඩනැගීමේ අවශ්‍යතාව ‘දිනන දකුණ’ සාමූහිකය විසින් නිකුත් කරන ලද ජනමාධ්‍ය නිවේදනයක අවධාරණය කර ඇත.

ඔවුන් විශ්වාස කරන්නේ, එක්සත් ජාතික පක්ෂය සහ සමගි ජන බලවේගය යන පක්ෂ දෙක එක්වීමෙන් පමණක් නොව දක්ෂිණාංශික දෘෂ්ටිමය එකමුතුවක් මත පදනම් වූ දේශපාලන සන්ධානයක් ගොඩනැගීමෙන් මෙම ඉලක්කය සාක්ෂාත් කරගත හැකි බවයි.

මෙම සාමූහිකය, දේශපාලන බලය ලබාගැනීම පමණක් අරමුණු කරගත් සන්ධානයකට වඩා දක්ෂිණාංශික දෘෂ්ටිමය පදනමක් සහිත දේශපාලන ව්‍යාපාරයක් ගොඩනැගීමේ අවශ්‍යතාව ද අවධාරණය කරයි.

ඔවුන් යෝජනා කරන්නේ, ආර්ථික සංවර්ධනය සහ ධනය බෙදාහැරීම පිළිබඳ නිවැරදි දක්ෂිණාංශික දැක්මක් තුළින් පමණක් ඉදිරි ආර්ථික අභියෝග ජයගත හැකි බවයි.

දිනන දකුණ සාමූහිකය විසින් ඉදිරිපත් කරන ලද යෝජනා අතරට ධනය උත්පාදනය කිරීමේ මූලික මෙවලමක් ලෙස නිදහස් වෙළඳපොළ ආර්ථිකය පිළිගැනීම, පුද්ගල නිදහස සහ වගකීම් අවධාරණය කිරීම, සාක්ෂි මත පදනම් වූ ප්‍රතිපත්ති සම්පාදනය සහ ලිබරල් සුබසාධන ක්‍රමයක් ඇතුළත් වේ.

මෙම නිවේදනය මගින් එක්සත් ජාතික පක්ෂයේ සහ සමගි ජන බලවේගයේ නායකයන්ගෙන් ඉල්ලා සිටින්නේ, මෙම බුද්ධිමය නිර්ණායක සහ ප්‍රතිපත්තිමය ප්‍රවිෂ්ටයන් සැළකිල්ලට ගෙන රටේ අනාගතය උදෙසා දේශපාලන සංවාදයක් ගොඩනැගීමට කටයුතු කරන ලෙසයි.

සම්පුර්ණ නිවේදනය පහතින්;