October 19, 2025
බාබඩෝස් හි බ්රිජ්ටවුන් හි පැවති 68 වැනි පොදුරාජ්ය මණ්ඩලයීය පාර්ලිමේන්තු සමුළුවට සමගාමීව පැවති, ආබාධ සහිත පොදුරාජ්ය මණ්ඩලයීය පාර්ලිමේන්තු මන්ත්රීවරුන්ගේ සැසිවාරයේදී මෙරට ප්රථම දෘශ්යාබාධිත පාර්ලිමේන්තු මන්ත්රී සුගත් වසන්ත ද සිල්වා ශ්රී ලංකාව නියෝජනය කිරීමේ ගෞරවය හිමි කර ගත්තේය.
දේශපාලන ජීවිතයේ ආබාධ සහිත පුද්ගලයන්ගේ ඇතුළත් කිරීම, ප්රවේශ්යතාව සහ අර්ථවත් සහභාගීත්වය ප්රවර්ධනය කිරීම පිළිබඳ සාකච්ඡාවලට ඔහු දායක විය.
මන්ත්රීවරයා කාන්තා හා ළමා කටයුතු අමාත්ය සරෝජා සාවිත්රි පෝල්රාජ්ගේ නායකත්වයෙන් යුත් ශ්රී ලංකාවේ පාර්ලිමේන්තු නියෝජිත කණ්ඩායමේ සාමාජිකයකු වූයේය.
පොදුරාජ්ය මණ්ඩලයීය ප්රතිපත්ති කේන්ද්රය විසින් සංවිධාන කරන ලද මෙම සමුළුවේදී, ප්රජාතන්ත්රවාදී පාලනය ශක්තිමත් කිරීම, ඇතුළත් කිරීම සහ විනිවිදභාවය ප්රවර්ධනය කිරීම සහ සාමාජික ව්යවස්ථාදායකයන් අතර අන්තර්ජාතික සහයෝගීතාව වර්ධනය කිරීම පිළිබඳ අදහස් හුවමාරු කර ගැනීම සඳහා පොදුරාජ්ය මණ්ඩලය පුරා පාර්ලිමේන්තු මන්ත්රීවරුන් සහ පාර්ලිමේන්තු නිලධාරීන් 500කට අධික සංඛ්යාවක් එක්රැස් විය.
