මෙරට සිවිල් යුද සමයේදී ආරක්ෂක හමුදා පාලනය යටතේ ඇති ඉඩම්වලින් වැඩි ප්‍රමාණයක් නිදහස් කර මෙම වසර තුළ ඒවායේ මුල් හිමිකරුවන්ට ආපසු ලබාදීමට ආරක්ෂක අමාත්‍යාංශය සැලසුම් කරමින් සිටින බව වාර්තා වේ.

සිවිල් යුදධය අතරතුර ආරක්ෂක හමුදා විසින් අත්පත් කරගෙන සිටි ඉඩම් නිදහස් කර ඒවායේ නියම හිමිකරුවන්ට ආපසු ලබාදීමට සැලසුම් කරන බව ජනාධිපති සහ ආරක්ෂක අමාත්‍ය අනුර කුමාර දිසානායක මෑතකදී නිවේදනය කළේය.

එවැනි ඉඩම් නිදහස් කිරීම සඳහා කාල රාමුවක් පිළිබඳව ‘ඩේලි මෝර්නින්’ විසින් විමසූ විට, ආරක්ෂක නියෝජ්‍ය අමාත්‍ය මේජර් ජෙනරාල් (විශ්‍රාමික) අරුණ ජයසේකර පවසා ඇත්තේ, ආරක්ෂක හමුදා විසින් දැනට අත්පත් කරගෙන සිටින ඉඩම්, දැනටමත් වෙන්කර ඇති ඉඩම්, ඒවායේ මුල් හිමිකරුවන්ට ආපසු ලබාදෙන බවයි.

“දින කිහිපයකට පෙර, අක්කර 40 ක ඉඩම් නිදහස් කළා. ඒ හා සමානව, උතුර සහ නැගෙනහිර පළාත්වල එවැනි ඉඩම් බොහොමයක් මෙම වසර තුළ නිදහස් කිරීමට අපි සැලසුම් කර තිබෙනවා” ඔහු පවසයි.

උතුරු සහ නැගෙනහිර පළාත්වල ඉඩම් ගැටළු අතීත ගැටුමට සහ එහි ජීවත් වන ජනතාවගේ අරගලවලට සම්බන්ධ වේ.

ගැටුම අතරතුර බොහෝ පවුල්වලට තම නිවාස සහ ඉඩම් අහිමි වූ අතර, යුද්ධය අවසන් වී වසර ගණනාවකට පසුවත්, සමහරු තවමත් ඒවා නැවත ලබාගැනීමට සටන් කරමින් සිටිති.

සමහර ඉඩම් හමුදා පාලනය යටතේ පවතින අතර අනෙක් ඒවා විවිධ රජයේ දෙපාර්තමේන්තු විසින් අත්පත් කර ගෙන ඇත.

අනුප්‍රාප්තික ආණ්ඩු සමහර ඉඩම් ආපසු ලබා දී ඇත.

එහෙත් බොහෝ අය තවමත් තම ඉඩම් ආපසු ලබා දෙන තෙක් බලා සිටිති.

වන සංරක්ෂණ දෙපාර්තමේන්තුව ද එවැනි ඉඩම් අක්කර 250,000 ක් ඒවායේ මුල් හිමිකරුවන්ට නිදහස් කිරීමට නියමිත බව මෑතකදී වාර්තා විය.