February 1, 2026
හදිසියේ මහා ධනවතුන් බවට පත්වූවන් පිටුපස ඇති කතා සැමවිටම සත්ය නොවන බව පොදු පිළිගැනීම වන අතර එය තවදුරටත් සනාථ වන්නේ මෑත වසරවලදී ඉතා කෙටි කාලයක් තුළ ඉතා ධනවත් වූ ඇතැම් පුද්ගලයන් එසේ ධවත් වීම පසුපස සැක සහිත හේතූන් ඇති බැවිනි.
‘පැහැදිලි කළ නොහැකි ධනයක්’ ඇති බවට සැක කරන පුද්ගලයන් විමර්ශනය කිරීම සඳහා පොලිසිය විශේෂ විමර්ශන කණ්ඩායමක් පවා දියත් කළ අතර, ඇතැම් දේශපාලනඥයෝ දැනටමත් විමර්ශනයට ලක්ව සිටිති.
මෙම කාරණය මතු වූයේ, යාපනය දිස්ත්රික්කයේ ජාතික ජන බලවේගයේ පාර්ලිමේන්තු මන්ත්රී එස්. ශ්රී බවනන්ද්රරාජා, ඔහු සහභාගී වූ රැස්වීමකදී වඩුකෝට්ටෙයි පොලිසියෙන්, එම පොලිස් බල ප්රදේශයේ මෙතරම් ධනවත් වූ පුද්ගලයන් පිළිබඳ දැනුවත්ද යන්න විමසූ විටය.
රැස්වීමේ මුලසුන දැරූ ඔහු, අවශ්ය නම් එම පුද්ගලයන්ගේ ලැයිස්තුව ඉදිරිපත් කළ හැකි බවට පොලිසියට අභියෝග කළේය.
පැමිණ සිටි ජ්යෙෂ්ඨ පොලිස් නිලධාරීන්ගෙන් කිසිදු ප්රතිචාරයක් නොලැබිණි.
මන්ත්රීවරයා කියා සිටියේ තමා සතුව තිබූ තොරතුරු ප්රාදේශීය තොරතුරු හෙළි කරන්නන් විසින් ලබා දී ඇති අතර සැක සහිත අයථා ලෙස උපයාගත් ධනය පිළිබඳ පරීක්ෂණ ආරම්භ කිරීම සඳහා ඔවුන් දැනටමත් අදාළ ජ්යෙෂ්ඨ පොලිස් නිලධාරීන් සමඟ සම්බන්ධ වී ඇති බවයි.
එක් ප්රාදේශීය සභා මන්ත්රීවරයකු මැදිහත් වී පැවසුවේ හදිසියේ ධනවත් වන බොහෝ දෙනෙකු ජ්යෙෂ්ඨ පොලිස් නිලධාරීන් සමඟ සමීප සබඳතා පවත්වා ඇති බවත්, අපක්ෂපාතී පරීක්ෂණ සහතික කිරීම සඳහා එම නිලධාරීන් මාරු කිරීමට සිදුවන බවත්ය.
