මැලේසියාවේ පෙරාක් ප්‍රාන්තයේ ආගමන දෙපාර්තමේන්තුව විසින් ජූලි 9 සහ 10 යන දෙදින තුළ Ipoh නගර මධ්‍යයේ සහ ඒ අවට නීතිවිරෝධී ගණිකා ව්‍යාපාර පවත්වාගෙන ගිය හෝටලයකදී සහ තවත් සුවිශේෂී විනෝදාස්වාද මධ්‍යස්ථාන දෙකකදී ශ්‍රී ලාංකිකයකු ඇතුළු විදේශීය ජාතිකයන් 88 දෙනකු අත්අඩංගුවට ගෙන තිබේ.

පෙරාක් ආගමන දෙපාර්තමේන්තුවේ අධ්‍යක්ෂ Meor Hezbullah Meor Abd Malik පැවසුවේ 1959/63 සංක්‍රමණ පනත සහ 1963 ආගමන රෙගුලාසි යටතේ විවිධ වැරදි සම්බන්ධයෙන් මෙම විදේශීය ජාතිකයන් රඳවා තබාගෙන ඇති බවයි.

විමර්ශන ඒකකය විසින් කරන ලද සෝදිසියෙන් පසුව සිදුකරන ලද වැටලීම් වලදී කාන්තාවන් 78 දෙනෙකු සහ පිරිමින් පුද්ගලයින්10 දෙනෙකු එලෙස රඳවා තබා ගෙන ඇත.

එම පිරිස අතර තායිලන්ත ජාතිකයින් 64ක්, වියට්නාම ජාතිකයන් 13ක්, නේපාල ජාතිකයින් 4ක්, ඉන්දීය ජාතිකයන් 3ක්, බංග්ලාදේශ ජාතිකයන් 3ක් සහ එක් ශ්‍රී ලාංකිකයකු වේ.

ඔවුන් සියලුදෙනා අවුරුදු 21 සහ 46 යන වයස්වල පසුවන්නන් බව Meor Hezbullah Meor Abd Malik නිවේදනයක් නිකුත් කරමින් කියාසිටියේය.

ඔහු පැවසුවේ JIM Perak හි නිලධාරීන් 35 ක් සහ Hulu Kinta හි සාමාන්‍ය මෙහෙයුම් බලකායේ (PGA) සාමාජිකයින් 22 ක් එම මෙහෙයුමට සම්බන්ධ වූ බවයි.

අත්අඩංගුවට ගැනුණු සියලුම විදේශිකයන්ට එරෙහිව මැලේසියාවේ ආගමන විගමන පනතට අනුව නීතියේ විධිවිධාන යටතේ පියවර ගන්නා බව ද ඔහු පැවසීය.