හිටපු ජනාධිපති මහින්ද රාජපක්ෂ සහ පාර්ලිමේන්තු මන්ත්‍රී නාමල් රාජපක්ෂ හිටපු ශ්‍රී ලංකා ක්‍රිකට් නායක තිලකරත්න ඩිල්ෂාන්ගේ පියාණන් වන ටී.එම්. ජුනයිඩීන්ගේ දේහයට අවසන් ගෞරව දැක්වීමට එක්ව ඇත.

එම සහභාගීත්වය සම්බන්ධයෙන් හිටපු ජනාධිපතිවරයා සිය ෆේස්බුක් ගිණුමේ තබා ඇති සටහන පහතින් දැක්වේ.

“ශ්‍රී ලංකා ක්‍රිකට් කණ්ඩායමේ හිටපු සුපිරි ක්‍රීඩක තිලකරත්න දිල්ෂාන් මහතාගේ ආදරණීය පියතුමා වන පොලිස් දෙපාර්තමේන්තුවේ විශ්‍රාමික නිලධාරී, හිටපු පාපන්දු ක්‍රිඩක ටි.එම්. ජුනයිඩ්න් ඊයේ (8) අභාවප්‍රාප්ත වූ අතර ඒ මහතාගේ දේහයට අවසන් ගෞරව දැක්වූයෙමි.
දිල්ෂාන් මහතා ඇතුළු පවුලේ ඥාතීන්ට අපගේ බලවත් සංවේගය ප්‍රකාශ කළෙමි. මෙම අවස්ථාවට පාර්ලිමේන්තු මන්ත්‍රී රෝහිත අබේගුණවර්ධන සහ නාමල් රාජපක්ෂ ද එකතු වූහ. ටි.එම්. ජුනයිඩ්න් මහතාට උතුම් නිවන් සුව පතමි.”