ජයග්‍රාහී මානසිකත්වය සහ රෝහිත් ෂර්මා වැනි පළපුරුදු ක්‍රීඩකයන් සමග පස් වතාවක් ශූරයන් වූ මුම්බායි ඉන්දියන්ස් කණ්ඩායමට IPL කුසලානය කරා තවදුරටත් යා හැකි බව ප්‍රධාන පුහුණුකරු මහේල ජයවර්ධන පවසයි.

හාර්දික් පාණ්ඩ්‍යාගේ නායකත්වයෙන් යුත් මුම්බායි කණ්ඩායම සිකුරාදා පැවති තරඟයේදී ගුජරාට් ටයිටන්ස් කණ්ඩායම ලකුණු 20කින් පරාජය කළේය.

ජුනි 3 වැනි දින අවසන් තරඟයේදී රෝයල් චැලෙන්ජර්ස් බැංගලෝර් කණ්ඩායමට මුහුණ දෙන්නේ කවුරුන්ද යන්න තීරණය කිරීම සඳහා ඔවුන් දැන් ඉරිදා අහමදාබාද්හිදී පන්ජාබ් කිංග්ස් හමුවෙයි.

මුම්බායි කණ්ඩායම මෙවර IPL තරගාවලිය ආරම්භ කළේ තරඟ පහකින් පරාජයන් හතරක් සමග වන අතර පසුව ඔවුන්ගේ ඊළඟ තරඟ අටෙන් හතක් ජයග්‍රහණය කර ප්ලේඕෆ් ස්ථානයක් ලබා ගැනීමට සමත්විය.

ගුජරාට් කණ්ඩායම සමඟ ඩූ -ඕ-ඩයි ප්ලේඕෆ් තරඟයට ක්‍රීඩා කිරීමට ඔවුන් ලකුණු පුවරුවේ සිව්වන ස්ථානයට පත්විය.

“ඔබට ජයග්‍රාහී ඉතිහාසයක් ඇති විට, නැවත එය උත්සාහ කිරීමට පහසුයි,” යැයි මහේල පැවසීය.

රෝහිත් ලකුණු 81ක් ලබා ගනිමින් මුම්බායි කණ්ඩායමේ පිතිකරණ අංශයට නායකත්වය දුන්නේය.

ජොනී බෙයාර්ස්ටෝව් ලකුණු 47ක් රැස් කිරීමත් සමග කණ්ඩායමේ ලකුණු 228-5 බවට පත්කර ගැනීමට හැකිවිය.

නිව් චන්දිගාර් හි මුලන්පූර් හිදී පැවති තරගයේ දී ජස්ප්‍රිත් බුම්රා ඇතුළු මුම්බායි හි ජ්‍යෙෂ්ඨ ක්‍රීඩකයෝ ගුජරාට් කණ්ඩායම ලකුණු 208-6කට සීමා කළහ.

ඉන්දියාවේ ධනවත්ම මිනිසා වන රිලයන්ස් ඉන්ඩස්ට්‍රීස් බිලියනපති මුකේෂ් අම්බානිගේ බිරිඳ වන නීටා අම්බානිට මුම්බායි හිමිකාරීත්වය හිමිවේ.

2008 දී T20 තරඟාවලිය ආරම්භ වූ දා සිට IPL ඉතිහාසයේ වඩාත්ම සාර්ථක කණ්ඩායම ලෙස චෙන්නායි සුපර් කිංග්ස් කණ්ඩායම හා සමානව මෙම කණ්ඩායම සිටී.