ජනප්‍රිය ඉන්දීය පසුබිම් ගායිකා ආශා බෝස්ලේ 92 වැනි වියේදී මියගිය බව වාර්තා වේ.

ඉන්දීය ජනමාධ්‍යවලට අනුව, 92 හැවිරිදි ආශා, ඇගේ සෞඛ්‍ය තත්ත්වය නරක අතට හැරීමෙන් පසු සෙනසුරාදා මුම්බායි හි බ්‍රීච් කැන්ඩි රෝහලට ඇතුළත් කර ඇත.

ඇය එහි ඇතුළත් කිරීමට පෙර දැඩි තෙහෙට්ටුවකින් සහ පපුවේ ආසාදනයකින් පීඩා විඳිමින් සිටි බව වාර්තාවේ.

ඇයගේ සෞඛ්‍ය තත්ත්වය පිළිබඳ ප්‍රවෘත්තිය ප්‍රථම වරට සමාජ මාධ්‍ය වේදිකාවේ X හි බෙදාගෙන ඇත්තේ ඇගේ මිණිබිරිය වන Zinai Bhosle විසිනි.

“අතිශයින් තෙහෙට්ටුව සහ පපුවේ ආසාදනය” හේතුවෙන් ආශා බෝස්ලේ රෝහල් ගත කර ඇති බව ඇය සිය සටහනේ සඳහන් කළේ, ප්‍රතිකාර ක්‍රියාවලියේදී පවුලේ පෞද්ගලිකත්වයට ගරුකරන ලෙස මහජනතාවගෙන් ඉල්ලා සිටිමිනි.

ආශා බෝස්ලේ බොලිවුඩ් ඉතිහාසයේ වඩාත්ම කීර්තිමත් හඬක් ලෙස පවතී.

දශක ගණනාවක් පුරා ඇයගේ වෘත්තීය ජීවිතය තුළ ඇය ඉන්දියානු සිනමාවේ පරම්පරා ගණනාවක් වෙනුවෙන් අසංඛ්‍යාත ජනප්‍රිය ගීත ලබාදුන්නාය.

ඇය 2000 දී දාදාසාහේබ් ෆාල්කේ සම්මානය සහ 2008 දී ඉන්දියාවේ දෙවැනි ඉහළම සිවිල් ගෞරවය වන පද්ම විභූෂණ ඇතුළු ප්‍රධාන ඇගයීම් කිහිපයක් ලබාගත්තාය.

මෙම සම්මාන මගින් ඉන්දියානු සංගීත ක්ෂේත්‍රයට ඇයගේ අසාමාන්‍ය දායකත්වය ඇගයීමට ලක්විය.