මූල්‍ය අපරාධ විමර්ශන දෙපාර්තමේන්තුව (FCID) විසින් ඊයේ (30) අත්අඩංගුවට ගත් හිටපු අමාත්‍ය ජොන්ස්ටන් ප්‍රනාන්දුගේ පුත් ජොහාන් ප්‍රනාන්දු රක්ෂිත බන්ධනාගාරගත කර ඇති බව වාර්තා වේ.

වත්තල මහේස්ත්‍රාත් අධිකරණය විසින් ජොහාන් ප්‍රනාන්දු 2026 ජනවාරි 9 වැනි දින දක්වා රක්ෂිත බන්ධනාගාරගත කර ඇත.

ජොන්ස්ටන් ප්‍රනාන්දු වෙළඳ අමාත්‍යවරයා ලෙස කටයුතු කළ කාලය තුළ ලංකා සතොසට අයත් ලොරියක් සහ අනෙකුත් වාහන අයථා ලෙස පරිහරණය කිරීම ඇතුළු චෝදනා කිහිපයක් මත FCID නිලධාරීන් විසින් කුරුණෑගලදී ජොහාන් ප්‍රනාන්දු අත්අඩංගුවට ගන්නා ලදී.

මුදල් විශුද්ධිකරණය, පොදු දේපළ පනත යටතේ වැරදි, රාජ්‍ය දේපළ අවභාවිතය සහ සාපරාධී අවභාවිතය ඇතුළු චෝදනා යටතේ ඔහු අත්අඩංගුවට ගන්නා ලදී.

මේ අතර, එම චෝදනා යටතේම හිටපු අමාත්‍ය ජොන්ස්ටන් ප්‍රනාන්දු අත්අඩංගුවට ගැනීම සඳහා පරීක්ෂණ දිගටම සිදුවන බව පොලිසිය පවසයි.