ජනාධිපති අනුර කුමාර දිසානායක පසුගිය මැයි 6 වන දින පෞද්ගලික ජෙට් යානයකින් ශ්‍රී ලංකාවට පැමිණීම අද පාර්ලිමේන්තුවේ විවාදයක් ඇති කළ අතර, එම සංචාරයට අරමුදල් සැපයුවේ කවුරුන්ද යන්න පිළිබඳව විපක්ෂ මන්ත්‍රීවරු පැහැදිලි කිරීමක් ඉල්ලා සිටියහ.

සමගි ජන බලව්වේගයේ පාර්ලිමේන්තු මන්ත්‍රී හර්ෂණ රාජකරුණා විදේශ අමාත්‍ය විජිත හේරත්ගෙන් ප්‍රශ්න කළේ වියට්නාම රජය වියදම දරා ගත්තේද යන්නයි.

ඊට ප්‍රතිචාර වශයෙන්, අමාත්‍ය හේරත් පැහැදිලි කළේ, ජනපතිගේ ආපසු ගුවන් ගමන සඳහා අරමුදල් සපයන ලද්දේ වියට්නාම රජය විසින් නොව එක්සත් ජාතීන්ගේ සංවිධානයට අනුබද්ධ වියට්නාම බෞද්ධ සංගමයක් විසින් බවයි.

පළාත් පාලන මැතිවරණයට ඡන්දය ප්‍රකාශ කිරීම සඳහා ශ්‍රී ලංකාවට නැවත පැමිණීමේ අවශ්‍යතාවය පවසමින් ජනාධිපති දිසානායක මුලින් එක්සත් ජාතීන්ගේ වෙසක් උත්සවයට ප්‍රධාන ආරාධිත අමුත්තා ලෙස සහභාගී වීම ප්‍රතික්ෂේප කළ බව ඔහු පැහැදිලි කළේය. “කෙසේවෙතත්, බෞද්ධ සංගමය විසින් ගුවන් ගමන් පහසුකම් ලබාදීමෙන් පසු, ඔහු සහභාගී වීමට එකඟ වුණා” අමාත්‍යවරයා පැවැසීය.

සංචාරය සඳහා ශ්‍රී ලංකාවේ මහජන අරමුදල් කිසිවක් වියදම් නොකළ බවට අමාත්‍ය හේරත් පාර්ලිමේන්තුවට සහතික විය.

මෙම සංචාරය රජය සමඟ සම්බන්ධීකරණය කර වියට්නාමයේ එක්සත් ජාතීන්ගේ සංවිධානයට අනුබද්ධ බෞද්ධ කමිටුව හරහා සංවිධානය කරන ලද බව ද ඔහු සඳහන් කළේය.

ජනාධිපති අනුර දිසානායක සිය වියට්නාම් සංචාරය අවසන් කරමින් පෞද්ගලික ගුවන් යානයක් වන එම්බ්‍රේර් ලෙගසි 600 ජෙට් යානයකින් කොළඹට ආපසු පැමිණියේය.