May 21, 2025
ජනාධිපති ලේකම් කාර්යාල චක්‍රලේඛයක් හරහා නිකුත් කරන ලද නියෝගවලට අනුකූලව රාජ්‍ය සේවා සැපයීම පිළිබඳ විමසීම් සහ පැමිණිලි ඉදිරිපත් කිරීම පහසු කිරීම සඳහා සියලුම රාජ්‍ය ආයතනවල අභ්‍යන්තර කටයුතු ඒකක ස්ථාපිත කරනු ලැබේ.
ඒ අනුව, ආරක්ෂක ලේකම් විශ්‍රාමික එයාර් වයිස් මාර්ෂල් සම්පත් තුයියකොන්තාගේ ප්‍රධානත්වයෙන් ආරක්ෂක අමාත්‍යාංශ පරිශ්‍රයේදී ඊයේ( 20) එහි අභ්‍යන්තර කටයුතු ඒකක ස්ථාපිත කරන ලදී.
දූෂණ අවදානම් හඳුනා ගැනීම සහ තක්සේරු කිරීම සහ ආරක්ෂක විධිවිධාන වැඩි දියුණු කිරීම මෙම ඒකකයේ කාර්යය වේ.
ඒකකයේ ප්‍රගතිය සහ ක්‍රියාකාරකම් විස්තර කරන වාර්ෂික වාර්තාවක් ජනාධිපති ලේකම් කාර්යාලයට සහ අල්ලස් හා දූෂණ විරෝධී කොමිසමට ඉදිරිපත් කළ යුතුය.
සමාරම්භක උත්සවයේදී රැස්ව සිටි පිරිස අමතමින් ආරක්ෂක ලේකම්වරයා අවධාරණය කළේ එහි අපේක්ෂිත ප්‍රතිඵල ලබා ගැනීම සඳහා වැඩසටහන නිසි ලෙස ක්‍රියාත්මක කිරීමේ වැදගත්කමයි.
අපේක්ෂිත ප්‍රතිලාභ පිළිබඳ අමාත්‍යාංශ කාර්ය මණ්ඩලය දැනුවත් කළ ඔහු වැඩසටහනට සහාය වීම සියලුම රජයේ නිලධාරීන්ගේ සාමූහික වගකීමක් බව අවධාරණය කළේය.
අලුතින් පිහිටුවන ලද ඒකකය අමාත්‍යාංශ කාර්ය මණ්ඩලයට හඳුන්වා දුන්නේ එම ඒකකයේ ප්‍රධානී ප්‍රියංගනී හේවරත්න විසිනි.
මෙම අවස්ථාවට ජාතික බුද්ධි ප්‍රධානී, ආරක්ෂක අමාත්‍යාංශයේ අතිරේක ලේකම්වරුන්, ආපදා කළමනාකරණ සැලසුම් අධ්‍යක්ෂ ජනරාල් සහ අමාත්‍යාංශයේ මාණ්ඩලික නිලධාරීහු ද සහභාගී වූහ.
