ද්විපාර්ශවික සබඳතා ක්‍රමයෙන් සාමාන්‍යකරණය කිරීමේ තවත් පියවරක් ලෙස, ඉන්දියාව සහ චීනය මෙම මාසයේ දී රටවල් අතර සෘජු ගුවන් ගමන් නැවත ආරම්භ කරන බව ඉන්දීය විදේශ අමාත්‍යාංශය පවසා තිබේ.

හිමාලයානු දේශසීමාවේ පැවැති හමුදා ගැටුම් වලින් පසුව, 2020 සිට දෙරට අතර සෘජු ගුවන් ගමන් සිදුව නොමැත.

නමුත් පසුගිය වසරක පමණ කාලය තුළ, ඉන්දියාව සහ චීන දේශසීමාවේ ආතතීන් සමනය කිරීමට පියවර ගැනීම ඇතුළුව සබඳතා නැවත ගොඩනඟා ගැනීමට දෙරටම කටයුතු කරමින් සිටියි.

එහි ප්‍රතිපලයක් ලෙස ඉන්දියාවේ විශාලතම අයවැය ගුවන් සේවය වන ඉන්ඩිගෝ ගුවන් සේවය පැවසුවේ ඔක්තෝබර් 26 සිට කොල්කටා සහ ගුවැන්ෂු නගර අතර සෘජු ගුවන් ගමන් නැවත ආරම්භ කරන බවයි.

බ්‍රහස්පතින්දා නිකුත් කළ නිවේදනයක, ඉන්දීය විදේශ අමාත්‍යාංශය පැවසුවේ ගුවන් ගමන් නැවත ආරම්භ කිරීම දෙරට අතර ජනතාව අතර සම්බන්ධතා තවදුරටත් පහසු කරනු ඇති බවයි.

එමෙන්ම ද්විපාර්ශ්වික හුවමාරු ක්‍රමයෙන් සාමාන්‍යකරණය කිරීමට එය දායක වන බව ද අමාත්‍යංශය නිකුත් කළ එම නිවේදනයේ සඳහන්.

ඉන්දියාව සහ චීනය කිලෝමීටර් 3,440 (සැතපුම් 2,100) ට වඩා දිග සහ අතිච්ඡාදනය වන භෞමික හිමිකම් ඇති වැරදි අර්ථ දක්වා ඇති දේශ සීමාවක් බෙදා ගනී.

2020 දී, දෙරටේ හමුදා ගැල්වාන් ගංගා නිම්නයේදී ගැටුණු අතර, අවම වශයෙන් ඉන්දීය සොල්දාදුවන් 20 දෙනෙකු සහ චීන සොල්දාදුවන් හතර දෙනෙකු මිය ගියහ.