මුදල් විශුද්ධිකරණ පනත යටතේ ගොනුකර ඇති නඩුවකට අදාළව යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් වික්‍රමසිංහ යන අයට කොළඹ මහාධිකරණය අද අධිචෝදනා භාරදුන්නේය.

හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් යන අයට රුපියල් ලක්ෂ 5 බැගින් වූ ශරීර ඇප දෙකක් මත ඇප ලබාදුන් බව වාර්තා වේ.

පෙබරවාරි මාසයේදී නීතිපතිවරයා විසින් යෝෂිත රාජපක්ෂ සහ ෆොරස්ට් යන දෙදෙනාටම අයත් රුපියල් මිලියන 59 ක ඒකාබද්ධ ගිණුමකට අදාළව මුදල් විශුද්ධිකරණ පනත යටතේ කොළඹ මහාධිකරණය හමුවේ අධිචෝදනා ගොනුකරන ලදී.

මීට පෙර, 2016 සිට කරන ලද පරීක්ෂණවලින් යෝෂිත රාජපක්ෂට අදාළ මුදල් සම්බන්ධයෙන් සතුටුදායක පැහැදිලි කිරීම් ලබාදීමට නොහැකි වූ බව සොයා ගැනීමෙන් පසු, මුදල් විශුද්ධිකරණ පනත යටතේ පොලිසිය දෙදෙනාටම එරෙහිව චෝදනා ගොනුකර තිබිණි.

විමර්ශනයට අනුව, අදාළ අදාළ මුදල් ස්ථාවර තැන්පතු සහ බැංකු ගිණුම්වල තැන්පත් කර ඇති අතර, ඩේසි ෆොරස්ට් සමඟ පවත්වාගෙන යන ඒකාබද්ධ ගිණුමක් ද ඊට ඇතුළත් වේ.

පසුව නීතිපතිවරයා පොලිසියට නියෝග කළේ නඩුවේ සැකකරුවකු ලෙස ෆොරස්ට් නම්කරන ලෙසයි.

එහි ප්‍රතිඵලයක් ලෙස, යෝෂිත රාජපක්ෂ සහ ෆොරස්ට් යන දෙදෙනාම පෙබරවාරි මාසයේදී කඩුවෙල මහේස්ත්‍රාත් අධිකරණයේ සැකකරුවන් ලෙස විධිමත් ලෙස නම්කරන ලද අතර, මුදල් විශුද්ධිකරණ පනත යටතේ චෝදනා ගොනුකරන ලදී.