March 31, 2026
මැදපෙරදිග ගැටුමෙන් පසු හෝමූස් සමුද්ර සන්ධිය හරහා සමස්ත සමුද්රීය ගමනාගමනය සැළකිව යුතු ලෙස අඩු මට්ටමක පැවතුනද, පාකිස්ථානය, චීනය සහ ඉන්දියාව යන රටවල නැව් සීමිත සංඛ්යාවක් එම සමුද්ර සන්ධිය හරහා ගමන් කිරීම ආරම්භ කර ඇත.
ඉරානය තම ධජ සහිත යාත්රා 20කට හෝමූස් සමුද්ර සන්ධිය හරහා ගමන් කිරීමට අවසර දී ඇති බව පාකිස්ථානය පැවසූ අතර, එරට විදේශ අමාත්ය ඉෂාක් ඩාර් ප්රකාශ කළේ නැව් දෙකකට දිනපතා ප්රවාහනය කිරීමට අවසර දෙන බවයි.
“මෙය සාදරයෙන් පිළිගත හැකි සහ ඵලදායී ඉරානයේ ක්රියාවක් වන අතර එය අගය කළ යුතුය,” යනුවෙන් ඩාර් X හි සටහනක පැවසීය.
මේ අතර, පාකිස්ථාන නැව්වලට ගමන් කිරීමට අවසර දී ඇති බව ඉරාන පාර්ලිමේන්තු කථානායක මොහොමඩ් ගලිබාෆ් පැවසූ බව එක්සත් ජනපද ජනාධිපති ඩොනල්ඩ් ට්රම්ප් ෆිනෑන්ෂල් ටයිම්ස් වෙත පැවසුව ද ඉරානය එම ප්රකාශය තහවුරු කර නොමැත.
සමුද්රීය ගමනාගමනයේ නැව් දත්තවලින් පෙනී ගියේ චීන යාත්රා සඳුදා (30) සමුද්ර සන්ධිය තරණය කර දැන් මැලේසියාවේ පෝර්ට් ක්ලැන්ග් වෙත ගමන් කරමින් සිටින බවයි.
මීට පෙර යාත්රා කිහිපයක් ඉරාන වෙරළට ආසන්නව යාත්රා කිරීමෙන් ඉන්දියානු සාගරයට ඇතුළු වී ඇති බව ද ලුහුබැඳීමේ සේවාව වාර්තා කළේය.
“ඉරානය හෝමූස් සමුද්ර සන්ධියේ ක්රමාංකනය කළ උපාය මාර්ගයක් අනුගමනය කරන බව පෙනේ, තෝරාගත් යාත්රා ගමන් මාර්ගය සම්පූර්ණ බාධාවක් ඇති කිරීමට වඩා උපායමාර්ගික සංඥාවක් ලෙස භාවිත කරයි,” එම වාර්තා පැවසීය.
ද්රව පෙට්රෝලියම් ගෑස් ප්රවාහනය කරන ඉන්දියානු යාත්රා දෙකක් සති අන්තයේ සමුද්ර සන්ධිය තරණය කර තිබිණි.
එම ගමනාගමනය සිදුවන්නේ ඉරානය සහ ඉන්දියාව අතර මෑතකදී ඇති කරගත් අවබෝධයකින් පසුව ඉන්දියානු ධජය සහිත ඉන්ධන නැව්වලට මෙම මාර්ගය භාවිත කිරීමට අවසර දීමෙනි.
එක්සත් ජනපදයට හෝ ඊශ්රායලයට සහාය දක්වන රටවලට සම්බන්ධ නොවන නැව් සඳහා සමුද්ර සන්ධිය හරහා ගමන් කිරීමට අවස්ථාව දෙන බව ඉරානය පෙන්වා දී තිබේ.
