කොළඹ වරායේ නැංගුරම් ලා ඇති චීන යුද නෞකාව ගැන ඉන්දියාව අවධානයෙන් පසුවන බව වාර්තා වේ.

ඉන්දීය විදේශ කටයුතු අමාත්‍යාංශයේ ප්‍රකාශක අරින්දම් බග්චි ප්‍රකාශ කරන්නේ, රටේ ආරක්‍ෂක අවශ්‍යතා මත සිදුවන ඕනෑම වර්ධනයක් ඉන්දියාව සියුම්ව නිරීක්ෂණය කරන බවයි.

ඉන්දියාව සිය ආරක්‍ෂක අවශ්‍යතා සුරක්ෂිත කිරීමට අවශ්‍ය සෑම පියවරක්ම ගන්නා බව ද ඔහු පැවසීය.

“එය යුධ නැවක්ද නැද්ද යන්න මට විශ්වාස නැත. මෙම වාර්තා දැකීමෙන් පසු, රටේ ආරක්ෂක අවශ්‍යතා කෙරෙහි බලපාන ඕනෑම සංවර්ධනයක් රජය හොඳින් නිරීක්ෂණය කරන බවත්, ඒවා ආරක්ෂා කිරීමට අවශ්‍ය සියලු ක්‍රියාමාර්ග ගන්නා බවත් මම අවධාරණය කරමි, ”බග්චි සිය සතිපතා ජනමාධ්‍ය හමුවේදී පැවැසීය.

චීන යුද නෞකාවක් වන HAI YANG 24 HAO අගෝස්තු 10 වන දින වරායට පැමිණියේය.

මීට පෙර, චීනයේ බැලස්ටික් මිසයිල සහ චන්ද්‍රිකා ලුහුබැඳීමේ නෞකාවක් වන ‘යුවාන් වැන්ග් 5’ දකුණු ශ්‍රී ලංකාවේ හම්බන්තොට වරායට පැමිණියේ ඉන්දියාවෙන් දැඩි විරෝධය මැදය.