රටේ පවතින නිල සංචිත සහ ඉදිරි ගෙවීම් පිළිබඳ විනිවිදභාවය පිළිබඳ එක්සත් ජාතික පක්ෂයේ හිටපු නියෝජ්‍ය නායක පාර්ලිමේන්තු මන්ත්‍රී රවී කරුණානායක ‍රජයෙන් ප්‍රශ්න කළේය.

ඔහු රජයෙන් ඉල්ලා සිටියේ ශ්‍රී ලංකාවේ භාවිතා කළ හැකි නිල සංචිත, සීමාසහිත සංචිත, අයි.එම්.එෆ්. වගකීම්, ආනයන ආවරණ කාලසීමාව සහ ඉදිරි මාස 12 ඇතුළත ගෙවිය යුතු විදේශීය ගෙවීම් පිළිබඳ තොරතුරු ප්‍රසිද්ධ කරන ලෙසයි.

තෙල් මිල වෙනස්වීම්, මූල්‍ය පරතරයන් සහ සංචිත මට්ටම් පදනම් කරගනිමින් ඉදිරි මාස 3, 6 සහ 12 සඳහා වන ආර්ථික අනාවැකි සහ විකල්ප දර්ශනයන් සකස් කළ යුතු බවද ඔහු පෙන්වා දුන්නේය.