ආසියානු කුසලාන තරඟාවලියේ ඉකුත් දා පැවැති ඉන්දියාව සහ පාකිස්ථානය අතර පැවැති තරග‍යේදී අතට අත නොදීමේ සිද්ධියක් සම්බන්ධයෙන් උද්ගත වූ මතභේදාත්මක තත්වය පිළිබඳ අන්තර්ජාතික ක්‍රිකට් කවුන්සිලයේ තරඟ තීරක ඇන්ඩි පයික්‍රොෆ්ට් පකිස්ථාන නායක සල්මන් අල් අගා සහ කණ්ඩායම් කළමනාකරුගෙන් සමාව ඉල්ලා ඇති බව පකිස්ථාන ක්‍රිකට් පාලක මණ්ඩලය නිවේදනයක් නිකුත් කරමින් පවසයි.

පකිස්ථාන ක්‍රිකට් පාලක මණ්ඩලයට අනුව තරග තීරක පයික්‍රොෆ්ට් සැප්තැම්බර් 14 වැනිදා පැවැති තරඟයේදී ඔහු ඉන්දියා සහ පාකිස්ථාන නායකයන්ට අතට අත දීමට උපදෙස් ලබාදීම වැරදි සන්නිවේදනයක ප්‍රතිඵලයක් බව පිළිගෙන තිබේ.

මෙය ක්‍රිකට් ආචාරධර්ම පද්ධතිය උල්ලංඝනය කිරීමක් ලෙසින් හඳුන්වනු ලැබූ පාකිස්ථාන ක්‍රිකට් පාලක මණ්ඩලය ඒ සම්න්ධයෙන් දැඩි විරෝධය පළකර තිබිණි.

එම ආචාරධර්ම කඩකිරීම සම්බන්ධයෙන් පරීක්ෂණයක් පැවැත්වීමට අන්තර්ජාතික ක්‍රිකග් කවුන්සිලය කැමැත්ත පළකර ඇති බවද පකිස්ථාන ක්‍රිකට් පාලක මණ්ඩලය නිකුත් කළ එම නිවේදනයේ වැඩිදුරටත් සඳහන් වේ.