January 10, 2026
නව අධ්යාපන ප්රතිසංස්කරණ යටතේ හඳුන්වා දී ඇති 6 ශ්රේණියේ ඉංග්රීසි භාෂා මොඩියුලයේ ඇති බවට චෝදනා එල්ල වන නුසුදුසු යොමු කිරීම් සම්බන්ධයෙන් රජය සමඟ සාකච්ඡා කිරීමට කිසිවක් නොමැති බව ශ්රී ලංකා පොදුජන පෙරමුණේ පාර්ලිමේන්තු මන්ත්රී නාමල් රාජපක්ෂ පැවසීය.
රජයේ වෛද්ය නිලධාරීන්ගේ සංගමය විසින් සංවිධාන කරන ලද බෞද්ධ ආගමික දේශනයකට සහභාගී වීමෙන් පසු මාධ්ය අමතමින් මන්ත්රී රාජපක්ෂ චෝදනා කළේ එම මතභේදාත්මක අන්තර්ගතය මොඩියුලයට ඇතුළත් කිරීම සම්බන්ධයෙන් වගකිව යුත්තේ කවුරුන්ද යන්න අග්රාමාත්යවරිය සහ විෂයට සම්බන්ධ ඇමැතිවරයා දැන සිටි බවයි.
6 ශ්රේණියේ ඉංග්රීසි පෙළපොතට වැරදි කරුණු ඇතුළත් කර ඇති බව දෙදෙනාම පිළිගෙන ඇති බව ඔහු තවදුරටත් කියා සිටියේය.
“ශ්රී ලංකා පොදුජන පෙරමුණ ලෙස, අපි ශ්රී ලංකා සංස්කෘතියට හානි කිරීමට ගන්නා උත්සාහයන්ට එරෙහිව නැගී සිටිනවා, අපේ රටට අදාළ නොවන අධ්යාපන ප්රතිසංස්කරණ අනවශ්ය බව නිරන්තරයෙන් අපි ප්රකාශ කරලා තිබෙනවා. ශ්රී ලංකාවට අවශ්ය වන්නේ විදේශ රටවලින් පිටපත් කරන ලද ප්රතිසංස්කරණ නෙවෙයි, අපේම සමාජීය හා සංස්කෘතික සන්දර්භයට ගැළපෙන අධ්යාපන ප්රතිසංස්කරණ.” යනුවෙන් ඔහු පැවසීය.
නව අධ්යාපන ප්රතිසංස්කරණ සම්බන්ධයෙන් එල්ල වන විවේචන හමුවේ රජය එය පෙර ආණ්ඩු මත පැටවීමට උත්සාහ කරන බවත් ක්රියාත්මක වීමේදී වත්මන් රජය අසමත් වී ඇති බවටත් පාර්ලිමේන්තු මන්ත්රී රාජපක්ෂ චෝදනා කළේය.
කෙසේවෙතත්, ශ්රී ලංකා පොදුජන පෙරමුණ නැවත බලයට පත් වූ පසු ජාතික සංවර්ධනය අරමුණු කරගත් සුදුසු අධ්යාපන ප්රතිසංස්කරණ හඳුන්වා දෙන බව ඔහු පැවසීය.
