ගංවතුරට හසු වූ විට රණවිරුවන් විසින් තමා බේරාගත් බව යාපනය දිස්ත්‍රික් පාර්ලිමේන්තු මන්ත්‍රී රාමනාදන් අර්චුනා පවසයි.

තමා මෝටර් රථය සමඟ ගංවතුරට හසු වූ බවත්, තම මෝටර් රථය ගංවතුරට ගසාගෙන ගිය බවත් ඔහු පාර්ලිමේන්තුවට පැවසීය.

“මගේ මෝටර් රථය කුඹුරක තිබී සොයාගත්තා” ඔහු පැවසීය.

මන්ත්‍රීවරයා පැවසුවේ රණවිරුවන් විසින් තමා බේරාගෙන නාවික හමුදා කඳවුරකට ගෙනගිය බවයි.

“මාව බේරා ගත්තේ සිංහල රණවිරුවෙක්. මට කඳවුරක නවාතැන් දුන්නා. කර්නල්වරයෙක් මට දින දෙකක් නිදාගැනීමට ඔහුගේ කාමරය ලබාදුන්නා. නමුත්, ඔබ ඔවුන්ව සොල්දාදුවන් ලෙස හැඳින්වුවා. කරුණාකර අයවැයෙන් ඔවුන් වෙනුවෙන් විශාල මුදලක් වෙන්කරන්න,” ඔහු පැවසීය.