තිස්සමහරාම සඳුන්ගම ප්‍රගතිමාවත ප්‍රදේශයේ පිහිටි තිස්ස වැවට ජලය රැගෙන යන ප්‍රධාන ඇළ මාර්ගයෙහි සියඹලා ගහ තොටුපළ අසල දී බියර් පානය කළ දෙදෙනකු අතර 17 දා පස්වරුවෙහි දී ඇතිවූ බහින්බස් වීමක් දුරදිග යෑමෙන් ඉන් එක් පුද්ගලයකු විසින් අනෙත් පුද්ගලයාගේ හිසට බියර් බෝතලයකින් පහර දී දියේ ගිලවා මරාදමා තිබේ.

මෙලෙස ඝාතනයට ලක්ව ඇත්තේ තිස්සමහරාම, දෙබරවැව, රබර්වත්ත, යන ලිපිනයේ පදිංචිව සිටි නිහාල් කරුණාරත්න නමැති හතලිස් හැවිරිදි අයෙකි.

මෙම ඝාතනය සිදුකළේ යැයි කියන සැකකරු තිස්සමරාම පොලිසියට භාරවී ඇත.

ඔහු තිස්සමහරාම, බෙරලිහෙල, කුඩා ගම්මාන 05, ප්‍රදේශයේ පදිංචි 24 හැවිරිදි අයෙකි.