අද අලුයම අනුරාධපුර රඹෑව ප්‍රදේශයේදී අධික වේගයෙන් පැමිණි කැබ් රථයකට යටවීමෙන් තරුණයන් තිදෙනකු මියගොස් තවත් කාන්තාවන් දෙදෙනකු තුවාල ලබා ඇති බව පොලිසිය පවසයි.

මිය ගිය අය සංගීත සංදර්ශනයක් අවසන් වී නිවස බලා යමින් සිටියදී රඹෑව සිට අනුරාධපුරය දෙසට ධාවනය වූ කැබ් රථයක ගැටීමෙන් අනතුරට ලක්ව ඇති බව පැවැසේ.

අනතුරින් පසු කැබ් රථ රියදුරු පළාගොස් ඇති අතර තුවාලකරුවන් රඹෑව සහ අනුරාධපුර රෝහල්වලට ඇතුළත් කර තිබේ.

වයස අවුරුදු 16 ත් 21 ත් අතර තරුණයන් තිදෙනකු තුවාල ලබා ඇති අතර කාන්තාවන් දෙදෙනකු අනුරාධපුර ශික්ෂණ රෝහලේ ප්‍රතිකාර ලබමින් සිටින බව වාර්තා සඳහන් කරයි.

සිද්ධිය සම්බන්ධයෙන් මිහින්තලය පොලිසිය පරීක්ෂණ පවත්වයි.