දඹුල්ල ප්‍රාදේශීය සභාව පිහිටුවීමට සහාය නොදැක්වූ පක්ෂ සාමාජිකයන් පිරිසකගේ පක්ෂ සාමාජිකත්වය අත්හිටුවීමට සමගි ජන බලවේගය තීරණය කර තිබේ.

ඒ අනුව, දඹුල්ල ප්‍රාදේශීය සභාවේ සභාපතිවරයා සහ උපසභාපතිවරයා තෝරා පත්කර ගැනීමට උදව් කිරීමට අපොහොසත් වීම හේතුවෙන් දඹුල්ල ප්‍රාදේශීය සභාවේ සාමාජිකයින් 06 දෙනෙකුගේ පක්ෂ සාමාජිකත්වය අත්හිටුවීමට සජබ කළමනාකරණ කමිටුව සහ කෘත්‍යාධිකාරී මණ්ඩලය තීරණය කර ඇත.

ඊයේ දඹුල්ල ප්‍රාදේශීය සභාවේ බලය පිහිටුවීමේ ඡන්ද විමසීමේදී විපක්ෂයෙන් යෝජනා කර තිබූ වෙනත් පක්ෂයක් නියෝජනය කළ පොදු අපේක්ෂකයාට සහාය ලබානොදී, සජබ මන්ත්‍රීවරුන් පිරිස සිය පක්ෂයෙන් අපේක්ෂකයකු ඉදිරිපත් කිරීමට කටයුතු කර තිබිණි.

සජබ නිවේදනයකට අනුව, මෙම සාමාජිකයන් 06 දෙනාගේ පක්ෂ සාමාජිකත්වය වහාම ක්‍රියාත්මක වන පරිදි අත්හිටුවා ඇත.