රුපියල් 23,000ක් වටිනා අල්මාරියක් අල්ලසක් ලෙස ලබා ගැනීම සම්බන්ධයෙන් සියඹලාණ්ඩුව ප්‍රදේශයට අනුයුක්තව සිටි ග්‍රාම නිලධාරිනියක් සැප්තැම්බර් 12 වැනිදා දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම නියෝග කළේය.

සියඹලාන්දුවේ ඉඩම් හිමියකුගෙන් එම ඉඩමේ පිහිටි තේක්ක ගස් 18ක් කැපීම සඳහා අධිකරණය නිකුත් කිරීමට අදාළ අල්මාරිය අල්ලසක් ලෙස ලබා ගැනීම සම්බන්ධයෙන් ඇයට චෝදනා එල්ල වී තිබේ.

ඉඩම් හිමියා විසින් අල්ලස් කොමිසමට කරන ලද පැමිණිල්ලකට අනුව සැකකාරිය අත්අඩංගුවට ගෙන අධිකරණයට ඉදිරිපත් කරන ලදී.

අධිකරණයට කරුණු ඉදිරිපත් කරමින් අල්ලස් කොමිසම දැනුම් දුන්නේ පැමිණිලිකාරිය තේක්ක ගස් 18 කැපීම සඳහා අවශ්‍ය බලපත්‍රය ලබා ගැනීමට ග්‍රාම නිලධාරිනිය වෙත පැමිණි විට, අල්ලසක් ලෙස රුපියල් 23,000ක් වටිනා අල්මාරියක් ඉල්ලා සිටි බවයි.

පැමිණිලිකාරිය එම ඉල්ලීමට එකඟ වූ පසු, අල්ලස් කොමිසමට පැමිණිල්ලක් ඉදිරිපත් කළ අතර, පසුව අල්ලස් ලබා ගනිමින් සිටියදී රහසිගත නිලධාරීන් සැකකාරිය අත්අඩංගුවට ගෙන තිබේ.