වීසා බලපත්‍ර සැකසීම විදේශ සමාගමකට ලබාදුන් ආන්දෝලනාත්මක “ඊ-වීසා” වංචාව සම්බන්ධයෙන් රජය පරීක්ෂණයක් ආරම්භ කිරීමට නියමිත බව වාර්තා වේ.

ශ්‍රේෂ්ඨාධිකරණයේ තීන්දුවකට අනුව විදේශ සමාගමේ සේවාව අත්හිටුවමින් රජය මාර්ගගත වීසා අයැදුම් කිරීමේ වේදිකාව ප්‍රතිෂ්ඨාපනය කරන ලදී.

හිටපු මහජන ආරක්ෂක ඇමතිවරයා සහ හිටපු ජනාධිපතිවරයාගේ මැදිහත්වීමෙන් සිදුවූ වීසා ගනුදෙනුවට එරෙහිව පාර්ලිමේන්තු මන්ත්‍රීවරු වන රවුෆ් හකීම්, එම්.ඒ.සුමන්තිරන් සහ පාඨලී චම්පික රණවක ශ්‍රේෂ්ඨාධිකරණයට පෙත්සමක් ඉදිරිපත් කළහ.

මෙම කොන්ත්‍රාත්තුව පාරදෘශ්‍ය ලෙස ලබාදී නැති බවත්, වසර 16ක කාලයක් තුළ ඩොලර් බිලියන 2.75ක් දක්වා උපයා ගැනීමට කොන්ත්‍රාත්තුව ලබාදී තිබූ බවටත් ඔවුහු චෝදනා කළහ.

දැන්, ආගමන බලධාරීන් විසින් අප්‍රේල් 17 ට පෙර පැවති නිර්ණායකයට අනුව පැමිණීමේ වීසා නිකුත් කිරීමේ ඉලෙක්ට්‍රොනික ගමන් බලපත්‍ර (ETA) ක්‍රියාවලිය නැවත ස්ථාපිත කර ඇත.

ආගමන විගමන දෙපාර්තමේන්තුව ද භාර විදේශ කටයුතු අමාත්‍ය විජිත හේරත් වෝහාරික විගණනයක් සිදු කරන බව තහවුරු කළේය.