කොළඹ නෙළුම් කුළුණේ නමින් “නෙළුම්” ඉවත් කර එහි නම “කොළඹ කුළුණ” ලෙස වෙනස් කිරීමට රජය සුදානම් වන බව වාර්තා සඳහන් කරයි. නෙළුම් කුලුණ ඊට සුදුසු නමක් නොවන බවට මත පළවෙමින් තිබියදී, එම නමින් ‘නෙළුම් මල’ ඉවත් කිරීමට මෙලෙස යෝජනාවක් ඉදිරිපත්ව තිබේ.

‘රාජපක්ෂ පාලනයේ සුදු අලියකු’ ලෙස නිරන්තරයෙන් විස්තර කෙරෙන මෙම කුළුණින් අවම වශයෙන් අර්ධ වශයෙන් හෝ මිදීමට නම්, එහි නම වෙනස් කිරීම උපකාරී වනු ඇතැයි රජයේ ඇතැමුන් විශ්වාස කරන බව ආරංචි මාර්ග පවසයි. එය දැනටමත් ඇතැමුන් “රාජපක්ෂ කුළුණ” ලෙස හඳුන්වන අතර, එය රටට විශාල මූල්‍ය අලාභයක් සිදු කරන තවත් කුප්‍රකට චීන ව්‍යාපෘතියක් බවට විවේචන එල්ල වේ.