සමගි ජන සන්ධානයේ ජාතික සංවිධායක සහ ජාතික ලැයිස්තු නාඅපේක්ෂක සුජීව සේනසිංහට අයත් වාහනය එකලස් කරන ලද එකක් නොවන බවට රජයේ රස පරීක්ෂකවරයා විසින් තහවුරු කර තිබේ.

සේනසිංහ ප්‍රකාශ කර ඇත්තේ මෙම වාහනය රජයේ රස පරීක්ෂකවරයාට භාරදුන් අතර පසුව මුදාහැරිය බවයි.

“මගේ වාහනය නීතිවිරෝධී ලෙස එකලස් කර ඇති බවට ඔවුන් සැක කළ නිසා රජයේ රස පරීක්ෂකවරයාගේ පරීක්ෂණයකට ලක් කිරීමට ඔවුන්ට අවශ්‍ය වුණා. කෙසේවෙතත් මගේ වාහනය සත්‍ය එකක් බව තහවුරු වූ පසු වාහනය මට ආපසු ලබා දුන්නා,” යනුවෙන ඔහු පවසා ඇත.

එල්.ටී.ටී.ඊය භාවිත කළ ඇඳුම් කිහිපයක් ඇති බවට පළ වූ වාර්තා අනුව පසුගිය සතියේ සේනසිංහගේ නිවසද සෝදිසි කළේය.

එම සෝදිසියට එරෙහිව මූලික අයිතිවාසිකම් සහ අපහාස නඩු පවරන බව ඔහු සඳහන් කර තිබේ.