August 30, 2025
විදේශ සංචාරයක් සඳහා රාජ්ය මුදල් අවභාවිත කිරීමේ චෝදනාව මත හිටපු ජනාධිපති රනිල් වික්රමසිංහ අත්අඩංගුවට ගැනීමෙන් පසුව, පැමිණිලි මත පදනම්ව අනෙකුත් හිටපු රාජ්ය නායකයන් සම්බන්ධ ඒ හා සමාන අක්රමිකතා විමර්ශනය කරන බව රජය ප්රකාශ කර ඇතැයි අමාත්යවරයෙක් පැවසීය.
අපරාධ පරීක්ෂණ දෙපාර්තමේන්තුව පසුගිය සතියේ වික්රමසිංහ අත්අඩංගුවට ගෙන කොළඹ කොටුව මහේස්ත්රාත්වරයා වෙත ඉදිරිපත් කළේය.
පසුව, ඔහු රිමාන්ඩ් භාරයට පත්කෙරුණු අතර මේ වන විට ඇප මත මුදාහැර සිටී.
මහජන ආරක්ෂක අමාත්ය ආනන්ද විජේපාල පවසා ඇත්තේ නීතිය සැමට ක්රියාත්මක වන බවත්, පැමිණිලි ලැබුණහොත් වෙනත් ඕනෑම හිටපු ජනාධිපතිවරයකු වුවද බේරෙන්නේ නැති බවත්ය.
“යමෙකු පැමිණිලි කළහොත්, අපි හිටපු ජනාධිපතිවරුන්ට හෝ වෙනත් ඕනෑම කෙනෙකුට එරෙහිව පැමිණිලි විභාග කරනවා,” යැයි ඔහු පැවසීය.
පැමිණිලි ලැබී ඇත්දැයි කළ විමසේමකට ඔහු පවසා තිබුණේ එවැනි තොරතුරු තමාට සඳහන් කළ නොහැකි බවයි.
කෙසේවෙතත්, අතීතයේ අමාත්ය වගකීම් දැරූ හිටපු දේශපාලනඥයන් රැසකට එරෙහිව පරීක්ෂණ සිදුවෙමින් පවතින බව ඔහු පැවසීය.
රජය මීට පෙර රනිල් වික්රමසිංහගේ සහ වත්මන් ජනාධිපති අනුර කුමාර දිසානායකගේ විදේශ ගමන් වියදම් පිළිබඳ විස්තර ඉදිරිපත් කළේය.
වික්රමසිංහගේ නවතම අත්අඩංගුවට ගැනීම රාජ්ය අරමුදල් වියදම් කිරීමේදී ජනාධිපතිවරයාගේ බලය පිළිබඳ දේශපාලන විවාදයක් ඇති කර තිබේ.
ශ්රී ලංකා ආණ්ඩුක්රම ව්යවස්ථාවේ 33 වැනි වගන්තියේ ජනාධිපතිවරයා තම අධිකාරිය ක්රියාත්මක කළ යුතු ආකාරය දක්වා ඇත.
ජාතික ජන බලවේගය විසින් මෙහෙයවනු ලබන නව රජය මේ වන විට හිටපු ජනාධිපතිවරුන්ගේ ප්රතිලාභ කප්පාදු කිරීමට උත්සාහ කරයි.
පාර්ලිමේන්තුව විසින් බලාත්මක කිරීම සඳහා ඊට අදාළ නීති සම්පාදනයක් දැනටමත් සකස් කර ගැසට් කර ඇත.
පනත් කෙටුම්පතේ ව්යවස්ථානුකූලභාවය අභියෝගයට ලක් කරන පෙත්සම් පිළිබඳ විභාග ද ශ්රේෂ්ඨාධිකරණය විසින් මෑතකදී අවසන් කරන ලදී.
