හිටපු පාකිස්ථාන ක්‍රීඩක වසීම් අක්‍රම් මෙරට ජාතික ක්‍රීඩකයන්, ඉහළ දක්ෂතා දක්වන පුහුණුකරුවන් සහ ප්‍රධාන සමාජවල පුහුණුකරුවන් සඳහා දෙදින පුහුණු වැඩසටහනක් පැවැත්වීමට නියමිතව තිබේ.

අද උදෑසන ශ්‍රී ලංකාවට පැමිණි අක්‍රම් සමස්තයක් වශයෙන් ශ්‍රී ලංකා ක්‍රිකට් වේග පන්දු ඇකඩමිය, HPC සහ ප්‍රධාන සමාජ පුහුණුකරුවන් ආවරණය වන පරිදි සැසි පහක් පවත්වනු ඇත.

ඔහු එළඹෙන ICC පිරිමි T20 ලෝක කුසලානය සඳහා ශ්‍රී ලංකා ජාතික ක්‍රීඩකයන්ගේ සූදානම ද නිරීක්ෂණය කරනු ඇති බව පැවැසේ.

ශ්‍රී ලංකා ක්‍රිකට් ආයතනයේ ඉහළ කාර්ය සාධන මධ්‍යස්ථානයේ සහ රටේ ප්‍රධාන ක්‍රිකට් සමාජ ක්‍රමයේ පුහුණු කිරීමේ ශක්තිය වැඩිදියුණු කිරීම සඳහා අවශ්‍ය විශේෂඥ දැනුම ගෙනඒමේ ශ්‍රී ලංකා ක්‍රිකට් මුලපිරීම මෙම වැඩසටහන සනිටුහන් කරයි.

වසීම් අක්‍රම්ට ආරාධනා කිරීමට තීරණය කර ඇත්තේ ශ්‍රී ලංකා ක්‍රිකට් සභාපති ෂම්මි සිල්වාගේ ප්‍රධානත්වයෙන් යුත් ශ්‍රී ලංකා ක්‍රිකට් විධායක කමිටුවයි.

ඔහුගේ පුහුණු වැඩසටහන හෙට (මැයි 02) වැනි දින ආරම්භ වේ.