හිටපු යුද හමුදාපති ජනරාල් (විශ්‍රාමික) ලයනල් බලගල්ල අසනීප තත්ත්වයක් හේතුවෙන් නාරාහේන්පිට යුද හමුදා රෝහලේ ප්‍රතිකාර ලබමින් සිටියදී අද (26) අභාවප්‍රාප්ත වී ඇත.

ඔහුගේ දේහය කඩුවෙල කොතලාවල සමනල පාරේ අංක 21/12 දරන ස්ථානයේ තැන්පත් කර තිබේ.

දේහය පිළිබඳ අවසන් කටයුතු පසුව දැනුම්දීමට නියමිතය.

ශ්‍රී ලංකා කාලතුවක්කු හමුදාවේ ජනරාල් (විශ්‍රාමික) බලගල්ල 2000 – 2004 කාලය තුළ 16 වැනි යුද හමුදාපතිවරයා වශයෙන් කටයුතු කළේය.

එමෙන්ම ඔහු ආරක්‍ෂක මාණ්ඩලික ප්‍රධානී ලෙසද සේවය කළේය.