ව්‍යාජ මුදල් නෝට්ටු විශාල සංඛ්‍යාවක් ළඟ තබාගෙන සිටි යාපනය විශ්වවිද්‍යාලයේ සිසුවකු සහ ත්‍රිරෝද රථ රියදුරකු පලෙයි ප්‍රදේශයේදී අත්අඩංගුවට ගෙන ඇති බව පොලිස් මාධ්‍ය කොට්ඨාශය පවසයි.

ඔවුන් සන්තකයේ තිබූ රුපියල් 5000 ව්‍යාජ නෝට්ටු 250ක් සහ රුපියල් 500 ව්‍යාජ නෝට්ටු 27ක් පොලිස් භාරයට ගෙන තිබේ.

සැකකරුවන් පුදුකුඩිඉරිප්පු ප්‍රදේශයේ පදිංචි 24 හැවිරිදි උපාධි අපේක්ෂකයෙකු සහ මිරුසුවිල් ප්‍රදේශයේ පදිංචි 26 හැවිරිදි ත්‍රිරෝද රථ රියදුරෙකු බවට හඳුනාගෙන ඇත.

අලිමංකඩ මුරපොලට අනුයුක්ත පලෙයි පොලිසියේ නිලධාරීන් විසින් මෙම තරුණයන් දෙදෙනා යාපනයේ සිට කිලිනොච්චිය දෙසට ගමන් කරමින් තිබූ යතුරුපැදිය පිළිබඳව සැක මතුවී. එය පරීක්ෂාවට ලක් කර තිබේ.

ඔවුන් දෙදෙනා ඉදිරි විමර්ශන කටයුතු සඳහා අපරාධ පරීක්ෂණ දෙපාර්තමේන්තුවට භාරදීමට නියමිත බව පොලිසිය පවසයි.