July 18, 2025
කටුනායක ගුවන් තොටුපළට පැමිණෙන විදේශීය අමුත්තන්ට තාවකාලික රියදුරු බලපත්ර නිකුත් කිරීමට ප්රවාහන හා මහාමාර්ග අමාත්යාංශය තීරණය කර ඇති බව වාර්තා වේ.
වාර්තාවන්ට අනුව, මේ සඳහා කටුනායක ගුවන් තොටුපළේ වෙන්වූ කවුන්ටරයක් පිහිටුවීමට අමාත්යාංශය තීරණය කර ඇත.
මෙම වසරේ අගෝස්තු 03 වැනි දින සිට ක්රියාත්මක වන පරිදි නව ක්රියාපටිපාටිය නිල වශයෙන් දියත්කිරීමට අමාත්යාංශය අදහස් කරන බව වාර්තා වේ.
පවතින රෙගුලාසිවලට අනුව, විදේශීය සංචාරකයන් වේරහැර මෝටර් රථ ප්රවාහන දෙපාර්තමේන්තු කාර්යාලයෙන් තාවකාලික රියදුරු බලපත්රයක් ලබාගත යුතුය.
නව පියවර මගින් ක්රියාවලිය විධිමත් කිරීම සහ සංචාරකයන්ගේ පහසුව වැඩිදියුණු කිරීම අරමුණු කර ඇති බව ප්රවාහන අමාත්යාංශය පවසයි.
