October 30, 2024
පානදුර ප්‍රදේශයේ ජනප්‍රිය වීදියක දෙමහල් ගොඩනැගිලි පහක් අද එකවර කඩාවැටී ගාලු පාර ආසන්න ප්‍රදේශය දූවිල්ලෙන් වැසී ගියේය.
පානදුර මහනගර සභාව වීදියේ කාණු පද්ධතියේ වැඩ කිරීමට සමාගමකට කොන්ත්‍රාත්තුවක් ලබා දී ඇත.
සිද්ධිය වන විට කොන්ත්‍රාත්කරු බැකෝ යන්ත්‍රයක් යොදාගෙන කාණු කැණීම සිදුකර ඇත.
ඇසින් දුටුවන් පැවසුවේ බැකෝ යන්ත්‍රය සහ ටිපර් රථයක් එම ස්ථානයෙන් පිටව ගිය පසු ගොඩනැගිලි කඩාවැටී ඇති බවයි.
අවට ව්‍යාපාරික අයිතිකරුවන් විශ්වාස කරන්නේ බැකෝ යන්ත්‍රයෙන් ඇතිවූ කම්පන ගොඩනැගිලි කඩා වැටීමට හේතුවන්නට ඇති බවයි.
මෙම ගොඩනැඟිලිවල දන්ත සායනයක්, රෙදිපිළි අලෙවිසලක්, ඇතුළු ව්‍යාපාරික ස්ථාන කිහිපයක් තිබූ අතර, ඒවා සම්පූර්ණයෙන්ම විනාශ වී ඇත.
ගොඩනැගිලි කඩාවැටෙන අවස්ථාවේ වෙළඳසැල් දෙකක් විවෘතව තිබූ අතර තුනක් වසා තිබිණි.
සිද්ධියෙන් කිසිදු තුවාලයක් වාර්තා වී නොමැත.
