රජයේ ප්‍රති­පා­දන යටතේ අනු­රා­ධ­පුර දිස්ත්‍රි­ක්කයේ දිළිඳු ගොවීන්ට බෙදා­දී­මට වෙන්කර තිබුණු බඩ­ඉ­රිඟු බීජ තොග­යක් සිය දේශ­පා­ලන හිත­ව­තුන් අතර බෙදා­හැ­රීම සම්බ­න්ධ­යෙන් හිටපු විශේෂ ව්‍යාපෘති හා ආර්ථික සංව­ර්ධන නියෝජ්‍ය ඇමැති එස්.එම්. චන්ද්‍ර­සේ­නට එරෙ­හිව ඇති නඩු­වට අදාළ විශේෂ ව්‍යාපෘති අමා­ත්‍යාං­ශයේ තිබූ ලිපිගොනුව අතු­රු­දන්ව ඇතැයි කොළඹ මහා­ධි­ක­ර­ණ‍යේදී පෙරේදා (28) අනා­ව­ර­ණය විය.

එම ගොනුව අතු­රු­දන්ව ඇති බව ආර්ථික සංව­ර්ධන අමා­ත්‍යාං­ශයේ අති­රේක ලේකම් ඩී.එච්.එස්. පුල්ලේ­පෙ­රුම අධි­ක­ර­ණ­යට දැනුම් දුන්නේය.

හිටපු විශේෂ ව්‍යාපෘති ඇමැති එස්.එම්. චන්ද්‍ර­සේ­නට එරෙ­හිව ගොනු­කළ නඩුව විභා­ග­යට ගත් අව­ස්ථාවේ මෙම දැනු­ම්දීම සිදු­විය.

කොළඹ මහා­ධි­ක­රණ විනි­සුරු රවින්ද්‍ර ප්‍රේම­රත්න ඉදි­රියේ නඩුව කැඳ­වනු ලැබීය. උතුරු මැද පළාතේ හිටපු දිසා ලේකම් මහින්ද සෙණෙ­වි­රත්න මෙහිදී සාක්ෂි දුන්නේය.

අඩු ආදා­ය­ම්ලා­භීන් අතර බෙදාදීම සඳහා රජ­යෙන් ලබා­දුන් රුපි­යල් මිලි­යන 25ක බඩ ඉරිඟු බීජ කිලෝ 2,075ක් හිටපු ඇමැ­ති­ව­රයා බල­හ­ත්කා­ර­යෙන් සිය නිවෙ­සට ගෙන්වා ප්‍රාදේ­ශීය ආධා­ර­ක­රු­වන් අතර බෙදා­හැර ඇති බව එහිදී හිටපු දිසා ලේක­ම්ව­රයා පැව­සීය.

නිල­ධා­රීන් මඟින් මේ සිද්ධිය දැන­ගත් පසු තමා හිටපු ඇමැ­ති­ව­ර­යාගේ නිවෙ­සට ගොස් ඉති­රිව තිබුණු බඩ ඉරිඟු බීජ තොග සිය භාර­යට ගෙන සුදු­ස්සන් අතර බෙදා­හැ­රී­මට කට­යුතු කළ බවත් ඒ වන විටත් විශාල තොග­යක් අප­හ­ර­ණව තිබුණු බවත් සඳ­හන් කළේය.

දිස්ත්‍රි­ක්කයේ බඩ ඉරිඟු වගා කරන ගොවී­න්ගෙන් වටි­නා­ක­මින් සිය­යට 25ක් අය­ක­ර­ගෙන එක් ගොවි­ය­කුට ග්‍රෑම් 5 බැගින් ප්‍රාදේ­ශීය ලේකම් කොට්ඨාස 19ක ගොවීන් විශාල පිරි­සක් අතර බෙදා­හැ­රී­මට නිය­මි­තව තිබුණු බීජ, ඇමැ­ති­ව­රයා තමා නියෝ­ජ­නය කරන කලා­වැව ආස­නයේ දේශ­පා­ලන ආධා­ර­ක­රු­වන් අතර පම­ණක් බෙදා­හැර ඇති බව සාක්ෂි­කරු කියාසිටි­යේය.

මෙම ව්‍යාපෘ­තිය දිසා ලේක­ම්ව­ර­යාගේ අනු­දැ­නු­මින් තොරව ඍජු­වම විශේෂ ව්‍යාපෘති අමා­ත්‍යාං­ශය යටතේ ක්‍රියා­ත්මක වූ බව පැව­සීය. විශේෂ ව්‍යාපෘති අමා­ත්‍යාං­ශය යටතේ උතුරු මැද පළාතේ ක්‍රියා­ත්මක කළ ව්‍යාපෘති 11කට රජ­යෙන් රුපි­යල් බිලි­යන 21ක ප්‍රති­පා­දන වෙන්කළ බව හිටපු දිසා ලේක­ම්ව­රයා වැඩි­දු­ර­ටත් කියාසිටි­යේය.

2014 ජන­වාරි 1 වැනිදා සිට දෙසැ­ම්බර් 31 වැනිදා දක්වා වූ කාලය තුළ විශේෂ ව්‍යාපෘති හා ආර්ථික සංව­ර්ධන නියෝජ්‍ය ඇමැ­ති­ව­රයා ලෙස කට­යුතු කර­මින් සිය නිලය අව­භා­විත කර­මින් මෙම වංචාව කර ඇති බවට විත්ති­ක­රුට එරෙ­හිව චෝදනා නඟා ඇත. අනු­රා­ධ­පුර දිස්ත්‍රි­ක්කයේ දිළිඳු ගොවීන් අතරේ බෙදා දීමට වෙන්කර තිබූ බඩ­ඉ­රිඟු කිලෝ ග්‍රෑම් 36,000ක ප්‍රමා­ණ­යක් සිය දේශ­පා­ලන හිත­ව­තුන් අතරේ බෙදා­හැ­රීම සඳහා අනු­රා­ධ­පුර දිස්ත්‍රික් ලේකම් කාර්යා­ලයේ ක්‍රම­ස­ම්පා­දන අධ්‍ය­ක්ෂ­ව­රයා පෙල­ඹ­වීම මඟින් දූෂ­ණ­යක් කර ඇති බවට හිටපු ඇමැ­තිට එරෙ­හිව චෝද­නා ­කර ඇත.

රජ­යට අයුතු සහ­ගත ලෙස පාඩු­වක් කිරී­මට හෝ සිය හිත­ව­තුන්ට අයුතු වාසි­යක් අත්කර දීමට කට­යුතු කර ඇති බවට චෝදනා කර­මින් නඩු පවරා තිබේ.

රජයේ සේව­ක­යකු වශ­යෙන් සිය ධුරය අව­භා­විත කර­මින් තමාට හෝ වෙනත් යම් අය­කුට අයුතු ලාභ­යක් කිරීමේ අද­හ­සින් අන් තැනැ­ත්තන් ඍජුව හෝ වක්‍ර­රා­කා­ර­යෙන් පෙල­ඹ­වීම ඇතුළු අධි­චෝ­දනා නඩු පවරා ඇත.

විත්ති­කාර හිටපු ඇමැ­ති­ව­රයා රුපි­යල් පනස් දහ­සක මුදල් ඇප­යක් සහ රුපි­යල් ලක්ෂ 10 බැගින් වූ ශරීර ඇප දෙකක් මත මුදා­හැර තිබේ. නීතිඥ දර්ශන කුරුප්පු විත්තිය වෙනු­වෙන් පෙනීසිටි­යේය.

(උපුටාගැනීම – දිනමිණ)