ගාසා තීරයේ සටන් විරාම ගිවිසුම යටතේ හමාස් සංවිධානය ඊශ්‍රායල ප්‍රාණ ඇපකරුවන් නිදහස් කිරීමත් සමග ඊශ්‍රායලය ද තමන් භාරයේ සිටි 2,000කට ආසන්න පලස්තීන ජාතිකයන් නිදහස් කිරීම ආරම්භ කර තිබේ.

එම අවස්ථාව පලස්තීනුවෝ මහත් හැඟීම්බරව ඊයේ සැමරූහ.

නිදහස් කරන ලද සිරකරුවන් රැගත් බස් රථ දෙකක් ඊශ්‍රායල බලය පවතින බටහිර ඉවුරේ බෙයිටූනියාවට පැමිණෙන විට පලස්තීනුවෝ එම පිරිස පිළිගනු ලැබුවේ ඔල්වරසන් දෙමිනි.

නිදහස් කරන ලද පුද්ගලයන්, හිස මුඩු කර සිටි අයුරු දක්නට ලැබිණි.

සතුට සමරා ගැනීමට නොහැකි තරමට ඇතැමුන් වෙහෙසට පත්ව සිටිනු පෙනිණි.

“එය ඔබට සිතාගත හැකි ඕනෑම දෙයකට වඩා විස්තර කළ නොහැකි දුක් විඳීමේ ගමනක් – කුසගින්න, අසාධාරණ සැළකීම, පීඩනය, වධහිංසා පැමිණවීම සහ ශාප කිරීම ආදියෙන් පිරී තිබුණා,” බටහිර ඉවුරේ තුල්කරෙම් නගරයේ 51 හැවිරිදි ෆාටා සාමාජික කමල් අබු ෂනාබ් පැවසීය.

ඔහුගේ මුහුණ කෙට්ටු වී තිබුණේ සිරගෙදරදී බර කිලෝග්‍රෑම් 59කින් අහිමි වූ නිසා බව ඔහු පැවසීය.

“අපිට ඔහුව හඳුනා ගන්න බැරි වුණා. ඔහු අපි දැනගෙන සිටි පුද්ගලයා නෙවෙයි. අපේ මාමා අපේ මාමා වගේ පෙනෙන්නේ නැහැ,” යැයි ඔහුගේ ලේලිය වන ෆාරා අබු ෂනාබ් පැවසුවාය.

වත්මන් තත්ත්වය ඊශ්‍රායල ජාතිකයන්ට දැඩි ලෙස වේදනාකාරී වී ඇත්තේ නිදහස් කරන ලද සමහරක් සිවිල් වැසියන් සහ සොල්දාදුවන් ප්‍රහාර සම්බන්ධයෙන් වරදකරුවන් වී ඇති බැවිනි.

පලස්තීන ජාතිකයන්ට, සිරකරුවන්ගේ ප්‍රශ්නය දේශපාලනික වශයෙන් බලපෑමක් වී ඇත්තේ සෑම පලස්තීන ජාතිකයකුටම පාහේ ඊශ්‍රායලය විසින් සිරගත කරන ලද මිතුරකු හෝ පවුලේ සාමාජිකයකු සිටින නිසයි.

ඊශ්‍රායලය ඔවුන් ත්‍රස්තවාදීන් ලෙස සළකන අතර, බොහෝ පලස්තීන ජාතිකයන් සිරකරුවන් සළකන්නේ දශක ගණනාවක් පුරා පැවති ඊශ්‍රායල හමුදා බලය ඇල්ලීමට එරෙහි නිදහස් සටන්කරුවන් ලෙස ය.

නිදහස් කරන 2,000 අතරට වසර 2ක යුද්ධයේදී ඊශ්‍රායල හමුදා ගාසා තීරයෙන් අල්ලා ගත් සහ චෝදනාවකින් තොරව රඳවාගෙන සිටින දහස් ගණනක් පලස්තීනුවන්ගෙන් 1,700ක් පමණ ඇතුළත් වේ.

නිදහස් කිරීමට නියමිත අය අතර සිර දඬුවම් නියම වූ පලස්තීන ජාතිකයන් 250 දෙනෙකු ද සිටිති.

ඔවුන්ගෙන් බොහෝ දෙනෙක් දශක ගණනාවක් පුරා පවතින ඊශ්‍රායල ජාතිකයන්ට එරෙහි මාරාන්තික ප්‍රහාරවලදී මිනීමැරුම් සහ ත්‍රස්තවාදය සම්බන්ධයෙන් වරදකරුවන් වූ අතර, ඊශ්‍රායල අධිකරණ අමාත්‍යාංශයට අනුව, අඩු චෝදනා මත වරදකරුවන් වූ අයයි.

ඔවුන් අතරින් දීර්ඝතම කාලයක් සිටි පුද්ගලයා වසර 40කට ආසන්න කාලයක් සිරගත කර සිට ඇත.