සුඛෝපභෝගී වෙළඳ භාණ්ඩ අලෙවියේ දැවැන්තයෙකු වන LMVH සමූහයේ ප්‍රධානි බර්නාඩ් ආර්නෝල්ට් ඉවතට ඇද දමමින් එලොන් මස්ක් ලොව ධනවත්ම පුද්ගලයා බවට නැවත පත්ව තිබේ.

මස්ක්ගේ විදුලි මෝටර් රථ සමාගම වන ටෙස්ලා(Tesla) හි වටිනාකම ඉහළ යෑමෙන් පසු, ඔහුගේ ශුද්ධ වටිනාකම ජනවාරියේ සිට ඩොලර් බිලියන 55.3 කින් ඩොලර් බිලියන 192 දක්වා ඉහළ ගොස් ඇත.

බ්ලූම්බර්ග් බිලියනපතියන් දර්ශකයට අනුව ආර්නෝල්ට්ගේ ධනය ඩොලර් බිලියන 24.5කින් ඩොලර් බිලියන 187 දක්වා පහත වැටී තිබේ.

ආර්නෝල්ට්ට පසුව ජෙෆ් බෙසෝස් සහ බිල් ගේට්ස් ධනවතුන්ගේ ලයිස්තුවේ තුන්වන සහ සිව්වන ස්ථානවල පසුවේ.

මිට පෙර 74 හැවිරිදි ආර්නෝල්ට් පසුගිය වසරේ දෙසැම්බර් මාසයේදී ධනවත් ලැයිස්තුවේ 51 හැවිරිදි මස්ක් අභිබවා ගොස් තිබිණි.

කෘත්‍රිම බුද්ධිය පිළිබඳ උනන්දුව ඉහළ යෑමෙන් ටෙස්ලා මෝටර් රථ සමාගම ප්‍රතිලාභ ලබන අතර, ටෙස්ලා ගැන සාකච්ඡා කිරීම සඳහා මස්ක් මේ සතියේ චීනයට ගිය සංචාරය ද උද්යෝගයක් ඇති කර තිබේ.