අල්ලස් කොමිසමේ සහකාර අධ්‍යක්ෂවරයාට සහ විමර්ශන නිලධාරියෙකුට මරණ තර්ජන එල්ල කිරීමේ චෝදනා මත රිමාන්ඩ් බන්ධනාගාරගත කෙරුණු ශ්‍රී ජයවර්ධනපුර මහ රෝහලේ විශේෂඥ වෛද්‍ය මහේෂි විජේරත්නගේ දියණිය වන හේමාලි විජේරත්න, ඇප මත මුදාහැර තිබේ.

කොළඹ ප්‍රධාන මහේස්ත්‍රාත් තනුජා ලක්මාලි ජයතුංග ඇයට රුපියල් ලක්ෂ 5ක ශරීර ඇපයක් මත ඇප ලබාදුන්නාය.

මෙම නඩුව කෙසෙල්වත්ත පොලිසිය විසින් ගොනුකරන ලදී.

මේ අතර, අල්ලස් කොමිසම ද සැකකාරියට එරෙහිව වෙනම නඩුවක් ගොනුකර ඇති අතර එය අද දහවල් 12 ට විභාගයට ගැනීමට නියමිතය.