February 9, 2026
දේශීය ජනතාවට සේවා සැපයීම ප්රතික්ෂේප කිරීම සම්බන්ධයෙන් තංගල්ල ප්රදේශයේ වෙරළබඩ පිහිටි අවන්හලකට චෝදනා එල්ල වී තිබේ.
එම අවන්හලේ මුදල් අයකැමිවරයා ප්රකාශ කර ඇත්තේ ඔවුන් විදේශිකයන්ට පමණක් සේවා සපයන බවයි.
අවන්හල විසින් එලෙස සේවා සැපයීම ප්රතික්ෂේප කළ අවස්ථාවක් එක්සත් රාජධානියේ ශ්රී ලාංකිකයන් තිදෙනෙකු විසින් රූගත කර මුදා හැරීමත් සමග මෙම සිදුවීම අනාවරණය විය.
“මේ පුද්ගලයා අපට සේවා සැපයීම ප්රතික්ෂේප කරන්නේ අපි දුඹුරු නිසා. අපි දේශීය ජනතාව, ඔහු කියන්නේ ඔවුන් දේශීය ජනතාවට සේවා සපයන්නේ නැහැ කියලා. මේ අවන්හලේ වෙන කිසිවෙක් නැහැ. විශේෂයෙන් පසුගිය ගංවතුර සමයේදී මට ලොකු පීඩනයක් තිබුණා ඇයි ඔබ සංචාරක කර්මාන්තයට සහාය නොදක්වන්නේ කියලා ? ශ්රී ලංකාවට දැන් එය ඇත්තටම අවශ්යයි. අන්න ඒ නිසයි. එක්සත් රාජධානියේදී මේ වගේ ජාතිවාදයකට මම කවදාවත් මුහුණ දීලා නැහැ,”කණ්ඩායමේ එක් අයෙක් පැවසීය.
මෙම වීඩියෝව ඇතැම් ප්රධාන සංචාරක කලාපවල ශ්රී ලාංකික අවන්හල්, දේශීය ජනතාවට වඩා විදේශිකයන්ට ප්රමුඛත්වය දීම පිළිබඳ කණස්සල්ලට හේතු වී තිබේ.
